Vorblót

Það er mikið um að vera þessa dagana og lítill tími til að blogga Vikan hefur verið æðisleg. Var á tónleikum á Nasa með Oumou Sangare og Tómasi R á fimmtudagskvöld. Það voru frábærir tónleikar. Hljómsveit Tómas R var í fantastuði og prógrammið mjög skemmtilegt. Mest í Kubustemmingunni sem átti vel við kvöldið.

Oumou Sangare tónleikarnir voru eftirminnilegir. Oumou er eitt stæðsta og virtasta nafnið í heimstónlistinni og hefur verið síðustu 10 ár þó hún sé ekki mjög þekkt hér heima. Tónleikarnir voru yndi fyrir augu og eyru. Hún er geysilega sterkur karakter á sviði jafnt sem utan. Ég hafði takifæri til að tala við hana fyrir tónleikana og það geislaði af henni Þessir tónleikar fara í minningabókina (tónleikakaflann)!

 

Í gær var ég aftur á Nasa þar sem Stórsveit Samúels J. Samúels og Salsa Celtica spiluðu. Sammi er að gefa út disk á mánudaginn og var prógrammið af þeirri plötu. Ég hef aldrei séð Stórsveitina áður og vissi satt að segja ekki alveg hverju ég átti von á. En þessi hljómsveit algerlega "blew me away" ef ég má sletta smá. Æðisleg lög, frábærar útsetningar og landsliðið í hljóðfæraleik. Ég hef aldrei verið jazzáhugamaður og kann ekki að skilgreina jazz tónlist. Þessi sveit spilar jazzskotið fönk mundi ég segja. Æðislegt "Grúf" einkenndi lögin og rhytmasveitin var æðisleg

 

Salsa Celtica áttu fyrir erfitt verk að fylgja Samma eftir og ég verð að segja að mér líkaði sveitin engan veginn. Blanda af Skoskri þjóðlagatónlist og Salsa tónlist hljómar vel á blaði en var ekki að gera sig fyrir minn smekk. Mér leiddist eiginlega. En það var góð stemming og mörgum líkaði greinilega sveitin og er það vel. Ekki minn tebolli

 

Svo í kvöld er það Goran Bregovic í Höllinni og er ég ekkert smá spenntur. Svo á morgun er það að ná áttum eftir erfiða en æðislega viku og á ég örugglega eftir að liggja sem skata yfir músík og myndum Og já ræktin skamm skamm. Verð að skella mér á morgun og friða samviskuna og skrokkinn

 

Svo er það Deep Purple og Uriah Heep næstu helgi. Ótrúlegt hvað við sem búum í svona litlu landi eigum það gott

 

Athugasemdir

[Anna Benkovic Mikaelsdóttir, 20.5.2007 kl. 00:15]

Brego var ekkert annað en brilljant í kvöld

[Kristján Kristjánsson, 20.5.2007 kl. 00:44]

Æðislegir tónleikar

[Pálmi Gunnarsson, 20.5.2007 kl. 00:53]

svo máttu ekki gleyma helginni þar á eftir því þá kemur þú norður til Akureyrar á www.aimfestival.is  Ef þú ert á fótum í fyrramálið myndi ég horfa á heimildamyndina um Fernandez Fierro - þeir verða aðalanúmerið hjá okkur fyrir norðan ásamt Hialrio Duran sem verður ásamt Tomma Einars á sviðinu og fleirum og fleirum  ... 

[Kristján Kristjánsson, 20.5.2007 kl. 01:13]

Var einmitt að spá í þessa hátíð Pálmi. Hún freistar mín geysilega. Reyndar skarast Morr kvöldið við Tomma R og verður Morr líklegast fyrir valinu ef ég kemst norður. Færi svo pottþétt á Fierro á laugardeginum. Skoða heimildarmyndina á morgun. Takk fyrir að benda mér á hana. Fimmtudagurinn er víst úti þannig ég næ ekki að kíkja á Blúskompaníið né Shadow Parade sem er synd. En þetta er einkenni góðrar tónlistarhátíðar, maður missir alltaf af einhverjum

[Grumpa, 21.5.2007 kl. 19:33]

Kiddi það er  allt að gerast hjá þér! Þarf ekki bara að klóna þig