Í Borgarstjórn með börnin!

Þessir krakkar hafa örugglega meira vit á samgöngumálum heldur en núverandi meirihluti. Hvernig væri að menn færu að vakna og gera sér grein fyrir mikilvægi gott strætókerfis fyrir höfuðborgarsvæðið. Eins og krakkarnir skilja (ekki borgarráðsmenn) þá mun kostnaðurinn skila sér í minni umferð, hreinna lofti og færri slysum.

 

Ég tek ofan fyrir börnunum. Þau hafa skýra sýn á lífið

 

 

„Kostnaður við strætósamgöngur myndi skila sér í umhverfis- og slysavernd"

Athugasemdir

[Jenný Anna Baldursdóttir, 25.5.2007 kl. 16:25]

Nú er strætó alltaf að minnka þjónustuna (svo umhverfisvænir í meirihlutanum) og það gerir manni ókleyft nánast að nota strætó.  Ég VIL nota strætó.  Finnst það þægilegt og svo er um fleiri.

Bölvaðir ekkisens bjánar þarna D og B!

[Ragga (IP-tala skráð) 25.5.2007 kl. 18:22]

Glæsilegir krakkar.  Mikið er þetta flott hjá þér.  Vonandi verður eitthvað á þau hlustað.

Ég er sjálf strætókona sem er við það að gefast upp... þjónustan verður verri og verri og verðið hærra og hærra :S 

[Kristján Kristjánsson, 25.5.2007 kl. 22:25]

Jenný. Rétt hjá þér, það er fullt af fólki sem vildi gjarnan taka strætó en gera það ekki vegna lélegrar þjónustu. Svo er leiðin að skerða þjónusta enn meira!

Ragga. Sammála þér Ég nota strætó mjög mikið líka og finnst það mjög góð leið til að ferðast. Maður getur gefið sér tíma á leið í og  úr vinnu að hlusta á tónlist í i-poddinum sínum, lesið góða bók eða bara hugleitt um lífið og tilveruna

Bjarni. Takk fyrir gott komment. Ég er innilega sammála þér í öllum þessum þáttum. Það er einmitt þjóðhagslega hagkvæmt að reka gott almenningssamgöngukerfi. Þetta sjá börnin en ekki stjórnmálamenn. Það er líka eins og það sé ákveðin vanþekking hjá borgarráðsmönnum um almenningssamgöngur sem örugglega stafar að einhverju leiti á þeirri staðreynd að fæstir þeirra nota almenningssamgöngur.  

[Grumpa, 25.5.2007 kl. 22:45]

Bíddu. Ætlaði Sjálfstæðislokkurinn ekki að redda öllu sem hægt var að redda í borginni? Kanski finnast þeim bara almenningssamgöngur vera bölvað bruðl svona eins og menning og listir og peningar skattborgaranna séu betur notaðir í stærri slaufur og fleiri mislæg gatnamót.

Ég ferðast nú mikið með strætó og minnist þess að hafa bara tvisvar séð pólitíkus í vagninum og var það Björk Vilhelmsdóttir í bæði skiptin

[Linda Ásdísardóttir (IP-tala skráð) 26.5.2007 kl. 01:09]

Þegar ég bjó í bæ/ borg í Bandaríkjunum var frítt í strætó um miðbæinn. Í BANDARÍKJUNUM!!!!!!!!!  Ég hef ekki oft nefnt eitthvað sem mér finnst að við ættum að apa eftir þeirri þjóð!

[Ragga (IP-tala skráð) 26.5.2007 kl. 01:17]

Já ég er sammála, þessi ferðamáti er bestur til að tékka á nýjustu plötunni í I-podnum eða klára bókina sem maður rembist við að lesa. Sérstaklega þegar að það virðist taka heila eilífð að taka einn strætó :S

[Kjartan Sæmundsson, 26.5.2007 kl. 13:16]

Það er gaman að sjá að framtakið hjá krökkunum vekur viðbrögð. Þar sem málið er mér skillt gat ég ekki stilt mig um að senda inn eina færslu sem þú hefðir e.t.v. áhuga á að skoða.

[Kristján Kristjánsson, 26.5.2007 kl. 13:33]

Frábært! Takk fyrir þessa færslu Kjartan. Þetta sýnir enn og aftur að það er best að hlusta á börnin Þau hafa ómengaða og skýra sýn á vandamálum og skilja ekkert í því afhverju við fullorna fólkið getum ekki leyst þau! Þetta verkefni með ruslpóstinn var frábært. Hvet bloggvini mína til að skoða það hér

[Jens Guð, 27.5.2007 kl. 12:52]

Flott framtak hjá krökkunum.  Ég hef aldrei lesið meira en þegar ég á námsárum ferðaðist með strætó.  Þetta var fyrir tíma iPodsins. 

[Thelma Ásdísardóttir, 27.5.2007 kl. 14:23]

Hvað er þessi stjórn að hugsa? Hvernig dettur þeim þetta í hug? Ég nota strætó mjög mikið og kýs þann samgöngumáta frekar en bílinn. Tek undir með Kidda, strætó er frábær til að slaka á fyrir og eftir vinnu. Og hvað með alla ferðamennina sem ætla að treysta á strætó í sumar?

Það mætti halda að takmarkið sé að reyna reka strætó með beinum hagnaði, auðvitað er það ekki hægt. Hagnaðurinn felst nákvæmlega í því sem krakkarnir voru að tala um. Hvernig getur stjórnin ekki séð það?