Ekki bara Bond

Þó að Louis Maxwell verði vissulega helst minnst fyrir Miss Moneypenny í Bond myndunum lék hún í nokkrum fínum myndum sem vert er að nefna.

Þar fer fremst í flokki að mínu áliti "The Haunting" frá 1963 sem að mínu áliti er ein besta hrollvekja allra tíma ásamt "The Exorcist". Einnig man ég eftir henni í ágætri Agatha Christie mynd sem hét "Endless night". Einnig lék hún í mynd Stanley Kubrick "Lolita".

En í hugum allra verður hún alltaf Miss Moneypenny og á sess í kvikmyndasögunni þar :-)

„Moneypenny" látin

Athugasemdir

[Aðalsteinn Jóhannes Halldórsson (IP-tala skráð) 30.9.2007 kl. 22:11]

Gaman að sjá að þú hefur keypt viðhafnarútgáfuna af "Gods of war". Þetta er mikil eign. Sennilega mesta metal sem nokkru sinni hefur komið út. Er mögulega hægt að slá út járnhulstur utan um geisladisk? Svo ég tali nú ekki um að allt sé skrifað með rúnum? Og nafnið sjálft - "GODS OF WAR". Ég held hreinlega að metalið hafi náð hæstu hæðum með þessari útgáfu.

Fínn diskur líka, þó líklega einungis fyrir nokkuð harða aðdáendur (eins og mig).

[Kristján Kristjánsson, 30.9.2007 kl. 22:46]

Sammála því Aðalsteinn. Umslagið er snilld og mér finnst platan fín líka. Var svo að fá "Live" disk með Manowar fyrir stuttu sem heitir "Gods of war live". Ha ha snilld. Hverjum öðrum dyttir í hug að gefa út tónleikadisk með sama nafni nokkrum mánuðum seinna

[Ingvar Valgeirsson, 30.9.2007 kl. 23:02]

Var einmitt nýbúinn að rita "minningargrein" um Maxwell þegar ég leit á þíns eigins blogg.

En Manowar... MANOWAR!!! Gaddemitt, fullorðið fólk í skinnbrókum einum fata. Eitthvert hlægilegasta band veraldarsögunnar.

Ef þið viljið járnhulstur utan um disk bendi ég á Odgen´s Nut Gone Flake með Small Faces. Hann inniheldur, öfugt við Manowar-diskinn, tónlist.

[Kristján Kristjánsson, 30.9.2007 kl. 23:17]

Ég á reyndar Odgen's Nut Gone Flake líka í álboxinu :-) Hún er æðisleg en c'mon Manowar eru frábærir. Hvaða önnur metalsveit dytti í hug að gera útgáfu af Nessum Dorma?

[Aðalsteinn Jóhannes Halldórsson (IP-tala skráð) 1.10.2007 kl. 12:44]

Svona fordómar í garð Manowar eru síður en svo nýir á nálinni. Gott ef ég var ekki svipaður einu sinni (fyrir löngu!!!!!!). Staðreyndin er sú að Manowar er skothelt metal. Ákaflega hæfileikarík hljómsveit, m.a. með gífurlega góðan söngvara. Tónlistin þeirra fylgir ekki neinni ákveðinni stefnu. Ef það væri til stefna sem héti  Metal-metal þá er það Manowar.

Ég hef verið að kaupa plöturnar þeirra smám saman síðustu ár. Enn sem komið er eru þær allar góðar.
Mæli þó sérstaklega með "Louder than hell". Kannski bara vegna þess að þetta er fyrsta platan sem ég eignaðist með þeim 

Ef maður hlustaði einungis á tónlist sem er ekki með snefil af húmor þá væri voðinn vís.

Annars finnst mér þetta skot Ingvars koma úr harðri átt. Mig minnir endilega að hann hafi verið að tala máli Stryper hér um daginn.........

[Kristján Kristjánsson, 1.10.2007 kl. 13:31]

Ég er að fara með Ingvari til London í nokkra daga fljótlega. Ég skal heilaþvo hann með Manowar í ferðinni. Hann kemur heim íklæddur lendarskýlu öskrandi "Death to false metal" í Leifsstöð  

[Ingvar Valgeirsson, 3.10.2007 kl. 21:22]

Vá, hvað ég sé fyrir mér lendaskýluna tekna upp, gúmmíhanskana setta upp og athugað hvort ég væri með ólyfjan í lokastigi meltingavegarins. Úff...

Stryper, þrátt fyrir að vera gríðarlega hallærislegir, komast ekki með ilsigið hæl-líkþornið hvar Manowar hafa hælana í hallærisheitunum. En gaman að sjá hvar maður hefur komið við taug... híhíhíhíhí.