The Great Northern Whalekill

Það er komið nafn á nýja Mínus plötu sem kemur út 16 apríl næstkomandi. "The Great Nothern Whalekill" heitir platan. Nýtt lag "The Futurist" verður fáanlegt sem frítt niðurhal fyrir gesti mbl.is 19 mars og fer í spilun á útvarpsstöðvum þann 20 mars. Það eru komin 3 ár síðan síðasta plata Mínus kom út þannig að eflaust eru einhverjir spenntir. Og eflaust er mörgum líka alveg sama ;-)

Athugasemdir

[Guðrún Finnsd. (IP-tala skráð) 17.3.2007 kl. 00:08]

Ehm ... Má mér vera nokkuð meira en alveg sama??    Hef aldrei skilið hvað er verið að hampa þessu bandi ...  En sem betur fer höfum við ekki öll sama smekkinn á tónlist   Skammast mín ekkert fyrir að viðurkenna að spilarinn hjá mér er þessa dagana er nánast á repeat með Black Label Society - Mafia, The Darkness - One Way Ticket To Hell ... And Back og svo John 5 (Marilyn Manson og Rob Zombie m.a.) - Vertigo.  Eðalstöff

Guðrún F. 

[Kristján Kristjánsson, 17.3.2007 kl. 10:28]

Sem betur fer erum við ekki öll með sama smekk Guðrún :-) Þá væri lítið gaman að spá í tónlist. Ég er sammála með BLS diskinn, hann er fínn. En ég verð greinilega að tékka á John 5, vissi ekki af honum, hann hljómar spennandi.

[Jens Guð, 18.3.2007 kl. 01:03]

Jú, það væri miklu betra ef allir hefðu sama músíksmekk og ég.  Ég hlakka mikið til að heyra nýja Mínusar-diskinn.  Mér er ennþá minnisstætt þegar ég heyrði fyrst í Mínusi á hljómleikum.  Það var dúndur ánægjuhögg.  Krafturinn, orkan og flottheitin voru þvílík að kolféll fyrir hljómsveitinni.  Þá var ég að smala saman nokkrum uppáhaldslögum frá Færeyjum, Grænlandi,  Samalandi og Íslandi fyrir plötuna "Rock from the Cold Seas".  Ég bókstaflega varð að fá lag með Mínusi á þá plötu.  Það var auðsótt mál enda þeir Mínusliðar sem ég hef kynnst afskaplega elskulegir drengir. 

Síðan hef ég verið í trúboði fyrir þessa frábæru hljómsveit.  Reynt að koma lögum með þeim í útvarpsspilun sem víðast með ágætum árangri,  hvort sem er í Sviss,  Kanada,  Færeyjum,  Skotlandi, Svíþjóð, Grænlandi o.s.frv.

Ekki spillti ánægju að fá þakkir á fyrstu plötu hljómsveitarinnar.  Það sem ég hef heyrt á hljómleikum Mínusar af lögum sem væntanlega eru á nýju plötunni standa undir eftirvæntingu,  eins og allt sem Mínus hefur gert.   

[Kristján Kristjánsson, 18.3.2007 kl. 01:27]

Ég er nokkuð viss um að þú verðir ekki fyrir vonbrigðum með nýja diskinn Jens. Hann er þrælgóður, þeirra besta plata hingað til finnst mér. Hún þarf margar hlustanir eins og góðar plötur þurfa oft og vex við hverja hlustun. Þeir eru að feta sig á nýjar brautir sem mér finnst ganga vel upp hjá þeim.

[Grumpa, 18.3.2007 kl. 15:36]

Það sem ég hef heyrt af nýja Mínus stöffinu er eðall. Finnst frábært hvað þessi hljómsveit er alltaf leitandi og fersk og gjörsamlega neitar að endurtaka sig. Áhugafólk um framúrskarandi trommuleik ætti líka að leggja vel við hlustir þegar Mínus eru annars vegar