Hungurverkfall

Eitt af betri lögum sem kom úr "Grunge" bylgjunni svokölluðu er að mínu mati lagið "Hungry Strike" með hljómsveitinni Temple of the dog. Temple var stofnuð fljótlega eftir lát söngvara Mother Love Bone og var hugsuð sem "tribute" til Wood. Stone Gossard og Jeff Ament voru í Mother Love Bone og stofnuðu síðar Pearl Jam með söngvararnum Eddie Veder sem syngur á plötunni ásamt Chris Cornell úr Soundgarden sem er væntanlegur til landsins í vetur. Matt Cameron úr Soundgarden lemur svo trommur á plötunni. Hljómveitin gaf út eina plötu sem hét einfaldlega Temple of the dog og kom út 1991 Hvet alla til kynna sér þessa plötu. Hún er frábær. Hér er lagið Hunger Strike þar sem Chris Cornell og Eddie Veder fara á kostum :-)

Athugasemdir

[Ragga (IP-tala skráð) 9.8.2007 kl. 14:23]

Þetta lag er æðislegt! Alveg sammála þér, þetta er eitt af þeim betri.

[Kristján Kristjánsson, 9.8.2007 kl. 14:24]

Maður fær enn gæsahúð að heyra það

[Óskar Þorkelsson, 9.8.2007 kl. 15:11]

takk takk Kiddi :).. er uppselt á chris cornell ? Skara vantar miða

[Kristján Kristjánsson, 9.8.2007 kl. 15:23]

Nei Skari það eru enn til miðar á Cornell. Þú getur keypt þá hér

[Ingi Björn Sigurðsson, 9.8.2007 kl. 19:03]

Ég er sammála þér að þetta er besta Grunge lagið, sem Nirvana kom ekki nálægt. Besta sem Cornell og Veder hafa gert. 

[Maja Solla (IP-tala skráð) 9.8.2007 kl. 21:48]

Það sorglega er, að Vedder söng ekki nema inná þetta eina lag á plötunni. Enda skilst mér að allt hafi orðið vitlaust út af því, að fólk hafi ekki fengið að njóta hans meira.
Stórkostlegt lag, fyrir mér markar þetta algjörlega það besta úr grunge-inu.

[Þráinn Árni Baldvinsson (IP-tala skráð) 10.8.2007 kl. 10:17]

Sæll, meistari.

Á maður von á að sjá frá þér plötudóm um Annihilator plötuna Metal eða jafnvel dóm um nýja pakkann frá Fast Eddie?

Hafðu það gott gamli gaur,

bkv.

Þáb

[Aðalsteinn Jóhannes Halldórsson (IP-tala skráð) 10.8.2007 kl. 10:51]

Ég ætla að setja hérna inn nokkur orð sem koma pistlinum ekkert við.

Ég vildi hinsvegar koma á framfæri tónleikum hljómsveitarinnar Innvortis á Húsavík 18. ágúst næstkomandi. Um upprunalega bandið er að ræða og munu þeir strákarnir leika meistaraverk sitt "Kemur og fer" frá byrjun til enda. Hér er um stórviðburð í íslenskri tónlist að ræða og klárlega hápunkt íslensku senunnar í ár.

[Kristján Kristjánsson, 10.8.2007 kl. 16:24]

Þráinn ég verð að viðurkenna að bæði Annihilator og Fast Eddie bíða enn við hliðina á tölvunni en fara að komast að Ég á örugglega eftir að tjá mig um þær

Aðalsteinn: Rosalega líst mér vel á  Innvortistónleikana! Ætlið þið ekkert að spila í bænum?

[Aðalsteinn Jóhannes Halldórsson (IP-tala skráð) 10.8.2007 kl. 17:55]

Ég get því miður ekki svarað því, enda ekkert nema kunningi hljómsveitarmeðlima. Eitt er þó víst að vandfundinn er betri ástæða fyrir norðurferð.

Es. veistu eitthvað um nýjustu plötu Within temptation, hvort hún sé þokkaleg?

[Kristján Kristjánsson, 10.8.2007 kl. 18:29]

Já alveg rétt. Ég var búinn að gleyma nýju Within Temptation plötunni. Er ekki búinn að heyra hana ennþá. Takk fyrir að minna mig á hana, set hana á kauplistann Lagið What have you done með Life of agony söngvarnum er ágætt. Ekki það besta frá þeim en ágætt engu að siður. Platan fær misjafna dóma en ég er spenntur að heyra hana.

[Magnús Geir Guðmundsson, 11.8.2007 kl. 01:34]

Blessaður Kiddi!

Innvortis er náttúrulega ekki starfandi sem slík lengur, en flestir ef ekki allir af þeim eru hins vegar núna meðlimir í Ljótu hálfvitunum! Einfaldast bara að senda póst á "Hálfvitana" eða kíkja inn á snillingin Hákon Hrafn á rokk.is, en þar eru upplýsingar um bandið og lög líka skíðast þegar ég vissi. Hákon átti einmitt stóran þátt í plötuútgáfunni þeirra á sínum tíma.

En með þessa plötu og lagið, átti held ég örugglega eintak eða lagið allavega en held sömuleiðis að ég sé búin að týna "draslinu"!

[Kristján Kristjánsson, 11.8.2007 kl. 07:36]

Ok ég vissi ekki að Innvortis væru Ljótu Hálfvitarnir í dag. Takk fyrir þessar upplýsingar Maggi.