Meira rokk

Hér koma næstu 5 sæti í vali Classic Rock blaðsins um 30 bestu plötur sem höfðu áhrif á fæðingu þungarokksins. Þessi listi er áhugaverður en reyndar virkar dálítið steinaldarlegur

 

Annars er nýja I Adapt platan alvöru. Hef grun um að hún endi sem ein af plötum ársins. Virkilega ferskur harðkjarni. Platan virkar vel sem heild og aðeins spurning hvernig hún venst næstu daga. Mæli allavega með að allir sem hafa áhuga á þessari tónlist tékki á henni. Hún heitir "Chainlike burden"

 

 

 20. sæti

Kiss-Alive 1976

 

 

 

19. sæti

Grand Funk Railroad-E-Pluribus Funk (1971)

 

 

18. sæti

Dust-Dust (1971)

 

 

 

 

 

 

 

 

 

 

 

 

 

17. sæti

Mountain-Climbing (1970)

 

 

 

 

 

 

 

 

 

 

 

 

 

16. sæti

Steppenwolf-Steppenwolf  (1968)

 

 

Næstu 5 sæti á morgun.

 

Athugasemdir

[Aðalsteinn Jóhannes Halldórsson (IP-tala skráð) 30.8.2007 kl. 20:52]

Mikið er ég ánægður með að sjá Alive með Kiss koma hér sterka inn. Ég held að sú plata hafi haft gífurleg áhrif, ekki einungis á þróun þungarokksins heldur líka á tónleikaútgáfur yfir höfuð sem og tvöfaldar plötur.

[Kristján Kristjánsson, 30.8.2007 kl. 21:01]

Já hún kom rosalega á óvart á sínum tíma og seldist í bílförmum. Held hún hafi bjargað plötufyrirtækinu frá gjaldþroti.

[Ingvar Valgeirsson, 31.8.2007 kl. 12:32]

Kiss er einhvernvegin, að mínu mati, langofmetnasta hljómsveit veraldarsögunnar. Agaleg leiðinlegt drasl eitthvað, þó ég skilji vel að menn á mínum aldri hlusti á þetta sorp af nostalgígjuástæðum.

Annars las ég eitt sinn viðtal við krakkana í Cheap Trick. Þeir hituðu upp fyrir Kiss þegar Alive var tekin upp og var víst Peter Criss svo sauðölvaður að hann stóð vart í lappirnar. Því var trymbill Cheap Trick málaður eins og Criss og sat rétt hjá honum, reiðubúinn að skerast í leikinn ef í óefni stefndi. En Criss kláraði dæmið samt, öllum að óvörum og því sat kallinn bara á varamannabekknum og drakk kaffi.

Áfram Rush!

[Aðalsteinn Jóhannes Halldórsson (IP-tala skráð) 31.8.2007 kl. 13:30]

Einu sinni fannst mér Kiss ekkert skemmtilegir. Svo gaf ég mér tíma í að hlusta á bestu verk sveitarinnar og komst að því að um frábæra sveit er að ræða. Eins og sumar aðrar hljómsveitir lögðust þeir í lægð á níunda áratugnum (grímulausa tímabilið) en héldu einhverra hluta vegna furðu miklum vinsældum.

Hinsvegar hafa gagnrýnendur aldrei mátt heyra minnst á Kiss. Það eru einfaldlega sumar hljómsveitir sem að sú stétt manna virðist ekki getað þolað, eins og til dæmis eðalbandið Manowar. Klárlega eitt besta metalband heims. 

[Halldór Ingi Andrésson, 1.9.2007 kl. 00:59]

Af þessum mæli ég með Steppenwolf og Grand Funk Railroad