Dylan í höllinni

 Ég fór á tónleika með Bob Dylan í gærkveldi og sjaldan hef ég heyrt jafnmargar og ólíkar skoðanir á tónleikum Sumir eins og Ingvar bloggvinur hundfúlir aðrir nokkuð sáttir og síðan aðrir alveg í skýjunum.

 

Þetta eru þriðju tónleikar sem ég sé með Dylan og þeir næstbestu. Ég er mjög ánægður með tónleikana. Stemmingin í Dylan var svipuð og á síðustu plötu "Modern times". Svona Folk blues stemming. Lágstemmd en seiðandi. Bob Dylan er einn sá furðulegasti tónlistarmaður sem maður sér á tónleikum. Hann segir aldrei orð til áhorfenda. Held að það hafi verið met í gær þegar hann sagði "Thank you friends" og kynnti hljómsveitina. Það þýðir líklegast að hann hafi verið ánægður með stemminguna sem var fín. Mikil virðing og gott klapp jafnvel á þeim lögum sem fæðstir þekktu.

Lagavalið var skrýtið en gott. Það voru færri þekkt lög en ég átti von á og útsetningin á sumum þeim lögum var langt í frá upprunalegu útgáfunum. "Ballad of a thin man" "Workinman blues # 2" og skrýtin útgáfa af "Blowing in the wind" var hápunkturinn fyrir mig.   

 

Margir hafa kvartað yfir nýju Laugardalshöllinni. Kannski var ég svona heppinn. Ég sá mjög vel en það er rétt, sviðið þarf að vera hærri. En hljómburðurinn var mjög góður og mun betri en í Egilshöll fannst mér.  

 

Semsagt! Skrýtin en góð upplifun á meistara var mín upplifun á Bob Dylan tónleikum í gærkveldi og ég hefði ekki viljað missa af þessum atburði

 

Hér eru lögin sem hann flutti. 

 

1.	Stuck Inside Of Mobile With The Memphis Blues Again
2.	Don't Think Twice, It's All Right
3.	The Levee's Gonna Break
4.	Tryin' To Get To Heaven
5.	Rollin' And Tumblin'
6.	Nettie Moore
7.	I'll Be Your Baby Tonight
8.	Honest With Me
9.	Workingman's Blues #2
10.	Highway 61 Revisited
11.	Spirit On The Water
12.	It's Alright, Ma (I'm Only Bleeding)
13.	When The Deal Goes Down
14.	Summer Days
15.	Ballad Of A Thin Man
	(uppklapp)
16.	Thunder On The Mountain
17.	Blowin' In The Wind

 

Athugasemdir

[Jenný Anna Baldursdóttir, 27.5.2008 kl. 10:22]

Ég nennti ekki á tónleikana en Dylan er einn af mínum uppáhalds.  Er búin að spila Modern Times í ræmur.  Maðurinn er skáld!

Workingman´s blues er snilldin ein.

Takk fyrir mig.

[Ragga (IP-tala skráð) 27.5.2008 kl. 12:47]

Ég fór og sá ekkert allt of vel en það var heldur ekkert kappsmál fyrir mig, var hóvær bakatil og nokkuð nálgæt útganginum þar sem ég fann leiðindarstemningu í fólki, fólk var ekki að fíla kappann og hundfúlt yfir því að fá ekki slagarana. Ég viðurkenni að ég er ekki harðasti Dylan aðdáandinn en mér þóttu tónleikarnir samt sem áður alveg fínir, er nokkuð sátt bara. Leist nokkuð vel á nýju höllina en það er rétt, sviðið mætti vera aðeins hærra.

[Óskar Þorkelsson, 27.5.2008 kl. 12:58]

ég fór ekki, en ég heyrði kvartanir frá fólki sem fór vegna salernisaðstöðu.. hún er enginn í nýju höllinni !!

[Kristján Kristjánsson, 27.5.2008 kl. 15:21]

Jenný: Sammála með Working man blues. Innilega flott lag. Kallinn er skáld.

 Ragga: Það voru allir voða kátir sem voru nálægt mér. Ég hef heyrt í fleirum í dag sem hafa greinilega haft gaman af tónleikunum en ekki.

Óskar: Ég held að fólk þurfi að fara yfir í gömlu höllina á klóið. Ekki gott!

Örninn: Þetta sló ekki tónleikana okkar út um árið enda var það ekkert smá gaman! Man ekki hvort það var 95 eða 96. Skemmtilegt að rekast á þig í bloggheimum

[Eyþór Árnason, 27.5.2008 kl. 22:16]

Ég skemmti mér vel.

[Halldór Ingi Andrésson, 27.5.2008 kl. 22:44]

Takk fyrir lagalistinn viss að einhver hefði fyrir því að pu nkta hann niður. Skyldi honum verða útvarpað? Vona að það líði ekki 18 ár þangað til ég fæ góða útgáfu á disk. ég heyrði í enskum vin í dag sem sá hann tvisvar í Brixton fyrir stuttu með svipað prógram. Hann sagði mér að kallinn væri hættur að spila á gítar vegna liðagigtar.

[Guðni Már Henningsson, 28.5.2008 kl. 00:27]

Kiddi....þetta voru frábærir tónleikar og mikið er ég feginn að þetta var ekki í Egilshöll..kvíði fyrir því að fara á Claptontónleika þar...

[Þráinn Árni Baldvinsson, 31.5.2008 kl. 17:50]

Dylan var mjög góður í höllinni, að mínu mati...

Fyndið hve margir virðast hafa búist við Dylan eins og hann var fyrir 35 árum eða svo :)

[Ásdís Sigurðardóttir, 1.6.2008 kl. 19:56]

Kallinn er skáld ég er sko sammála því, fór samt ekki á tónleikana.