Ekki gefast upp

Peter Gabriel hefur alltaf verið í miklu uppáhaldi hjá mér. Í den þótti mér Genesis alltaf miklu betri með Gabriel frekar en Collins. Er reyndar í dag farinn að meta betur margt sem Genesis gerðu með Phil Collins. Kannski er það aldurinn

Kate Bush er síðan ein af mínum allra uppáhalds söngkonum og lagasmiðum. Flestar plötur sem hún gerði voru snilld. 

 

Þegar hún og Peter Gabriel gerðu lag saman þótti mér það mjög góð blanda. Hún hafði að vísu sungið með Gabriel áður en ekki svona hreinann dúett. Myndbandið sem hér fylgir (Það var reyndar gert tvö við lagið, hitt var ekki eins gott) er einstaklega vel heppnað. Þau tvö í faðmlögum allt lagið

 

Athugasemdir

[Gulli litli, 27.8.2008 kl. 17:01]

Þegar tveir snillar leiða saman hesta sína er maður nokkuð öruggur um að ekki komi út úr því trunta!

[Ingvar Valgeirsson, 27.8.2008 kl. 21:23]

Var annað vídeó? Ekki hef ég séð það svo ég muni. En lagið er snilld. Útgáfa Willie Nelson er líka ljómandi, þótt hún sé nokkuð ólík.

[Óskar Þorkelsson, 27.8.2008 kl. 21:35]

Sammála þér með Genesis.. og Kate Bush.. hvað varð um stelpuna annars ?  Er hún bara bóndakerla í dag ?

[Kristján Kristjánsson, 27.8.2008 kl. 22:08]

Gulli: Ekki trunta með tóman grautarhaus

Ingvar: Já það var annað vidjó. Það má sjá hér

 Óskar: Kate sneri sér að uppeldi barna sinna og gaf ekkert út í mörg ár. Hún rauf loksins þögnina 2005 og gaf út tvöfalda plötu sem heitir "Aerial". Hún náði ekki sömu hæðum og eldri verkin fannst mér en var athyglisverð engu að síður.

 Þetta vidjó var í miklu uppáhaldi í den

[Grétar Einarsson og Óskar Ásgeir Ástþórsson , 27.8.2008 kl. 22:32]

Ég hef reynt að temja mér að vera spar á stór lýsingarorð og sérstaklega í efsta stigi. Hins vegar hika ég ekki við að nota orðið "snillingur" þegar kemur að tónlist Peter Gabriel. Og er það bara hans tónlist heldur líka þetta einstaka útgáfufyrirtæki sem hann rekurHann er svo sannarlega í hópi með snillingum eins og David Bowie, David Byrne og Brian Eno og fleiri slíkum.

Grétar Einarsson

[Guðjón Freyr (IP-tala skráð) 28.8.2008 kl. 09:24]

Peter Gabriel var sem betur fer troðið inná mig af frænda mínum fyrir næstum 20 árum, ég fékk að heyra (sama hvort mér líkaði það eða ekki)  gamlar Genesis plötur og svo sóló plötur frá Gabriel. Mikið er ég feginn að hafa fengið þetta tónlistar uppeldi (það var frekar þröngt á þessum tíma, metal og ekkert annað), maður vissi ekkert um Peter og ennþá síður hver þessi Kate var. Það var samt ekki fyrr en ég fékk svo þessar plötur í arf frá frænda fyrir nokkrum árum að ég fór að kynna mér Gabriel fyrir álvöru, líklega fyrst af virðingu við frænda en ég sé ekki eftir því, á samt heilmikið ólært um manninn en það er allt að koma. Svo fékk  ég að sjá kappann live í fyrra sem var snilld og ekkert annað.

[Jesús Kristur (IP-tala skráð) 28.8.2008 kl. 11:05]

Gabriel "Progressive" útgáfan af Genesis var klárlega mun betri þó svo að þeir hafi gert fínt popp með Collins. Nursery Cryme platan er í sérlegu uppáhaldi. Hvenær söng Kate Bush áður með Gabriel? Stúlkan sú er einnig einn af mínum uppáhalds músiköntum.

[Kristján Kristjánsson, 28.8.2008 kl. 11:18]

Guðjón: Ég öfunda þig á að hafa séð Gabriel Live. Það er draumur sem ég á eftir að láta rætast :-)

Jesús: Kate söng með Gabriel í laginu "Games without frontiers".

[Jesús Kristur (IP-tala skráð) 28.8.2008 kl. 11:31]

Bittinú. Þekki lagið vel en vissi þetta ekki.

Fróðari í dag en í gær...kærar þakkir :)

[Magnús Geir Guðmundsson, 28.8.2008 kl. 23:40]

Pétur er já þokkalegur, en ekki tókst honum nú mikið meir að fá Kötu í faðminn, reyndi þó töluvert minnir mig þegar engin sá til!

En eins og þar stendur, það er önnur saga!

[Ingi (IP-tala skráð) 29.8.2008 kl. 18:35]

Nú er ég ánægður með þig.

Þegar tveir snillingar leiða saman hesta sína ætti útkoman að verða á þennan veg.

Ég verð að segja að útgáfan hjá hinum frábæra Bono og Aliciu Keys með öllum þessum slaufum er nánast misþyrming á þessu yndislega lagi.

Genesis voru náttúrulega mun betri með Gabriel innanborðs þó þeir hafi gert ágætis popptónlist án hans. Ég sá líka mikið eftir Steve Hackett blessuðum þegar hann yfirgaf þá.

Lét gamlan draum rætast og sá Genesis loksins í París í fyrra og naut hverrar mínútu. Strákurinn minn hann Andri sem var 14 ára þá varð fyrir verulegum áhrifum og sagði að meira að segja leiðinlegasta lag í heimi (We can´t dance) hefði komið vel út.

Ekki væri verra að sjá Gabriel á tónleikum. Vonandi verður það að veruleika sem fyrst.

Við þurfum að fara að hittast kæri vinur og gera okkur glaðan dag. Stefnum á það innan skamms.

[Kristján Kristjánsson, 29.8.2008 kl. 20:44]

Sæll Ingi. Gaman að heyra í þér :-) Við skilum endilega hittast sem fyrst. Löngu komin tími á það!

[Bubbi J. (IP-tala skráð) 30.8.2008 kl. 17:15]

Ég féll alveg fyrir þriðju plötu Gabriel, en þar minnir mig að Kata syngi eitthvað með honum

[Kristján Kristjánsson, 30.8.2008 kl. 21:08]

Já Bubbi hún var fín. Þar var "Games without frontiers" með Kate. http://www.youtube.com/watch?v=LKb9XQ39-zc

[Kristján Kristjánsson, 30.8.2008 kl. 23:43]

Hér er betri linkur á lagið

 Næ aldrei að setja hann inn með Safari. 

[Jens Guð, 31.8.2008 kl. 02:19]

  Þegar ég var unglingur var Genesis flott hljómsveit.  Síðan yfirgaf Pétur hljómsveitina og hélt áfram að vera flottur.  Phil Collins tók við söngnum og mér leiðist flest sem hann hefur komið nálægt frá og með því uppátæki. 

  Ég er ekki viss um að margir viti að Pétur bað Björk um að syngja með sér Don´t Give Up.  Þegar hún hafnaði því snéri hann sér að Kötu. 

[Kristján Kristjánsson, 31.8.2008 kl. 13:59]

Takk fyrir þetta innlegg Jens. Ég vissi þetta ekki