Músíktilraunir

Í næstu viku hefjast Músíktilraunir 2007.

 Undirritaður situr í dómnefnd og hefur gert það í einhver ár Ég verð að segja að þetta er með því skemmtilegra sem ég geri. Það eru 50 hljómsveitir sem taka þátt í undankvöldunum og allavega 10 jafnvel fleiri sem komast í úrslit. Frjóleikinn og spilagleðin í þessum hljómsveitum er ómetanlegur og þarna sér maður best hvaða músíkbylgjur eru í gangi. 

 

Það er líka mjög gaman að taka þátt í störfum dómnefndar. Þar er mikið rökrætt og alltaf skiftar skoðanir enda fólk sem lifir og hrærist í tónlistinni og allir eiga það sameiginlegt að hafa ódrepandi áhuga á tonlist. Eflaust kannast margir við einhverjar sigursveitir Músíktilrauna sem eru eftirtaldar.

 

 

1982 - Dron

1983 - Dúkkulísurnar

1984 - Verkfall kennara keppni féll niður

1985 - Gipsy

1986 - Greifarnir

1987 - Stuðkompaníið

1988 - Jójó

1989 - Laglausir

1990 - Nabblastrengir (Umbilical cords)

1991 - Infusoria (Sororicide)

1992 - Kolrassa Krókríðandi (Bellatrix)

1993 - Yukatan

1994 - Maus

1995 - Botnleðja (Silt)

1996 - Stjörnukisi

1997 - Soðin Fiðla

1998 - Stæner

1999 - Mínus

2000 - XXX Rottweiler hundar

2001 - Andlát

2002 - Búdrýgindi

2003 - Dáðadrengir

2004 - Mammút

2005 - Jakobínarína

2006 - The Foreign Monkeys

 

Eins og sést á þessari upptalningu eru margar hljómsveitir sem hafa náð langt og svo einhverjar sem hafa alveg horfið.

 

En hjá undirrituðum og fleirum er skemmtileg vika framundan.

 

 

Athugasemdir

[Jenný Anna Baldursdóttir, 14.3.2007 kl. 12:26]

Músiktilraunir er flottur vettvangur fyrir unga tónlistarmenn.  Mér er málið skylt, en það eru tvö músíktilraunabönd í minni nánustu fjölskyldu.  Dæmdu viturlega (ef það er nokkur vegur að dæma músik)

[Guðrún F. (IP-tala skráð) 14.3.2007 kl. 18:58]

Í eina tíð var ég mjög dugleg að mæta á Músíktilraunir í Tónabæ - enda átti ég heima í "harmonikkublokkinni" fyrir neðan - en maður datt út úr þessu á síðustu menntaskólaárunum því miður.  Man reyndar að í síðasta skipti sem ég fór var undanúrslitakvöld sem einkenndist af nánast eingöngu dauðarokksböndum - ég steinsvaf nánast allan tímann ... 

Guðrún F.

[Georg P Sveinbjörnsson, 14.3.2007 kl. 19:55]

Sannarlega öfundsvert hlutverk,veit fátt skemmtilegra en að hlusta á ungar og efnilegar hljómsveitir...verst hvað maður er orðinn heimakær á seinni árum

[Jens Guð, 15.3.2007 kl. 00:08]

Ég hef fylgst með Músíktilraunum frá upphafi.  Þrátt fyrir að þær væru ekkert sérlæega spennandi fyrstu árin.  En það átti heldur betur eftir að rætast úr dæminu.  Í fjöldamörg ár hafa margar af mest spennandi hljómsveitum landsins þreytt sína frumraun í Músíktilraunum. 

[Ruth Ásdísardóttir, 15.3.2007 kl. 08:44]

Ég á afskaplega góðar minningar af Músíktilraununum. Þegar maður var unglingur þá var þetta stórmál og mikilvægt. Annars finnst mér þetta alveg frábært að halda þetta árlega, gefur svo mörgum tækifæri á að koma sér á framfæri. :)

[Logi (IP-tala skráð) 21.3.2007 kl. 23:03]

Rugl að hleypa ekki primera áfram ;D