A Show Of Hands

Í kvöld var DVD kvöld hjá okkur félögunum og við áhváðum að horfa á tónleika með hljómsveitinni Rush frá 1988 sem heita "A Show of hands" Mér fannst þetta æðislegir tónleikar. Þetta er að sjáfsögðu "Progg dauðans" en þessi hljómsveit er stórkostleg á sviði. Gítarleikarinn er fínn, trommuleikarinn Neil Peart er einn af þeim bestu finnst mér og Geddy Lee (Sem reyndar minnir mig alltaf á nornina í Wizard of Oz) er geðveikur bassaleikari auk þess sem hann spilar á hljómborð og syngur og virðist gera allt í einu og gæti þess vegna verðið að spila rommí í leiðinni :-) Allt var svo rosalega "eighties" líka sem var fyndið. En án efa er þetta ein af þéttustu sveitum rokksögunnar.

Athugasemdir

[Jens Guð, 25.3.2007 kl. 01:36]

Nú ætla ég að vera ósammála þér,  Kiddi minn.  Ég hafði dálæti á Rush á áttunda áratugnum.  Síðan hrundi hljómsveitin niður í einhverskonar léttpopp um það leyti sem ég færði mig yfir í pönkið.  Ég hef ekki séð þennan DVD disk með Rush og hef afar takmarkaðan áhuga á honum.  Ætla frekar að fá mér nýja Mínusar-diskinn. 

[Kristján Kristjánsson, 25.3.2007 kl. 09:38]

Það kemur mér ekki á óvart Jens. Það voru margir sem yfirgáfu Rush á þessum árum og það munaði litlu að ég hefði gert það líka. Þeir fóru að nota hljómborð í mikilum mæli á þessum tíma sem reyndar minnkaði aftur síðar. En þessar plötur sem þeir gáfu út á þessum tíma hafa að mínu áliti staðist tímans tönn og eru með betri plötum 80's tímabilsins. Svo er líka greinilegt af þessum tónleikum að dæma að lögin koma betur út á tónleikum, það er mun meiri kraftur í þeim miðað við plöturnar.

En ég er viss um að þú átt eftir að falla fyrir Mínus disknum :-)

[Jens Guð, 26.3.2007 kl. 01:31]

Ég er öfgamaður varðandi músík.  Þess vegna afskrifa ég hljómsveitir kannski of snöggt þegar þær stíga feilspor.  Ég átti nokkrar plötur með Rush um miðjan áttunda áratuginn.  Svo gleymdi ég þeim þegar pönkið átti hug minn allan.  Þá fór strákur að vinna hjá okkur á auglýsingastofunni.  Hann var Rush fan.  Kom í vinnuna með hljómborðspoppið þeirra.  Þá varð ég ánægðari með annan sem vann á auglýsingastofunni og mætti með Pantera. 

Það hafa fleiri en þú nefnt við mig að Rush sé áhugaverðari hljómleikahljómsveit en hljóðvershljómsveit. 

Ójá, ég er viss um að Mínusdiskurinn er snilld.  Frá því að ég heyrði fyrst í þeirri hljómsveit -  líklega 1999 - hef ég verið heillaður.  Þau lög á nýja disknum sem ég hef heyrt þá spila á hljómleikum er bara frábært.  Það verður með fyrstu verkum á vinnudeginum á morgun að fá mér Mínusardiskinn.   

[Kristján Kristjánsson, 26.3.2007 kl. 09:47]

Flott Jens En diskurinn með Mínus kemur samt ekki út fyrr en 16 apríl