JoJo og Bruce

Sagan af JoJo trúbador og Bruce Springsteen er fræg. JoJo var að spila á strikinu þegar Springsteen labbaði framhjá og fékk lánaðann gítar og spilaði nokkur kög með honum. Það væru ekki margar stjörnur sem mundu gera það. Hér er myndband með köppunum

 

 

Athugasemdir

[Jens Guð, 19.6.2007 kl. 00:53]

  Ég þekkti nágranna Brúsa í New Jersey.  Sá er dáinn núna.  Hann var kominn á aldur.  Sá þekkti Brúsa þegar hann var krakki og unglingur. 

  Þessi sem ég þekkti var töluvert eldri.  Honum þótti töluvert til þess koma þegar strákurinn varð heimsfræg poppstjarna.  En honum þótti merkilegt að Brúsi breytti ekkert um lífsstíl við að verða ein frægasta poppstjarna heims.  Brúsi hélt áfram að sækja hverfispöbbinn og spjalla við nágrannana.  Hélt jafnvel tryggð við slitnu gallabuxurnar.  Það eina sem breyttist var að Brúsi varð örlátari á að "blæða á línuna" á pöbbnunm.

  Síðast þegar ég hitti kunningjann var hann ekki eins ánægður með Brúsa.  Brúsi hafði víst reist sér heilt þorp.  Þar bjuggu allir hans starfsmenn og nánustu ættingjar.

  Kunninginn kannaðist líka við Jon Bon Jovi.  Sá var fljótari að tileinka sér poppstjörnuhlutverkið,  umkringdur lífvörðum og þess háttar.

  Ég las eitt sinn viðtal við svartan rythma-blús söngvara sem heitir Gary US Bond.  Hann var vinsæll þegar Brúsi var unglingur.  Þegar Gary hélt hljómleika í New Jersey fékk brúsi fyrir þrábeiðni að troða upp.

  Mörgum árum síðar,  á níunda áratugnum,  mætti Gary á hljómleika hjá Brúsa.  Gary sasgði eitthvað á þessa leið við Brúsa:  "Skjótt skipast veður í lofti.  Núna ert þú súperstjarna en ég er gleymdur og trölum gefinn."  Brúsi svaraði:  "Við leiðréttum það í hvelli."  Svo samdi Brúsi fyrir hann lag sem heitir "Out of Work" og Gary náði aftur inn á vinsældalista með því lagi.

  Svipað gerðist þegar Patti Smith var að hljóðrita plötu í sama hljóðveri og Brúsi.  Upptökustjóri hennar eða umboðsmaður kvartaði við Brúsa yfir að Patti náði einungis sölu á plötum en ekki útvarpsspilun á smáskífulögum.  Brúsi sagðist geta kippt því í lag í hvelli og samdi lagið "Because the Night".  Flýtirinn var svo mikill að hann hummaði bara laglínuna en sagði að Patti þyrfti að semja textann.  Lagið sló í geng.

  Svipað gerðist með lagið "Fire".   Mig minnir að Brúsi hafi samið það fyrior Link Wray.  En Pointer Sisters voru í hljóverinu á sama tíma,  heyrðu lagið og fengu leyfi fyrir að skella því á sína plötu líka.  Það sló í gegn með þeim stelpum. 

  Þar fyrir utan:  Mikið sem er gaman að The Seeger Sessions plötu Brúsa.   En margt þykir mér samt leiðinlegt með Brúsa. 

[Anna Ólafsdóttir Björnsson, 19.6.2007 kl. 01:26]

Frábært klipp!

[Jenný Anna Baldursdóttir, 19.6.2007 kl. 13:28]

Vá skemmtilegt og takk bæði Kiddi og Jens. Hér er ekki komið að tómum kofanum.