Wembley og fleira skemmtilegt!

Nú er ekki nema rúmur sólarhringur þar til ég stekk í vél til Lundúnaborgar Ætla eiga þar fimm daga í góðum félagsskap. Byrja á að sjá tónleika með hljómsveitinni Rush á Wembley. Þar rætist mjög gamall draumur að sjá þessa frábæru sveit. Þeir gáfu út þrælfína plötu á árinu og eiga mikið af góðum lögum eftir 30 ára feril

 

Svo ætla ég að skella mér í leikhús, meir að segja tvisvar Fyrst kíki ég á söngleik eftir Monty Python sem heitir "Spamalot" og er gerð að mestu eftir kvikmyndinni "Holy Grail" og síðan á sakamálaleikrit sem heitir "The 39 steps". Meistari Hitchcock gerði kvikmynd eftir þessari sögu fyrir löngu síðan.

 

Svo verður farið á tónleika með hljómsveitinni Dream Theater. Þeir voru að gefa út sína bestu plötu á árinu að mínu mati. Hljómsveitin Symphony X hitar upp. Verð að viðurkenna að ég þekki þá sveit lítið en er kominn með nýja plötu með þeim sem fær að rúlla í i-poddinum á leiðinni út

Svo verður náttúrlega slappað af og maður er aldrei í neinum vandræðum að njóta London! 

 

Hamingja

 

Athugasemdir

[Ingvar Valgeirsson, 8.10.2007 kl. 19:17]

London, baby...

Meðan þú verður á kafi í einhverju leikhúsbulli dreg ég Sigga (a.k.a. Ljóta kallinn) með mér á Denmark Street í hljóðfærabúðir og svo á veitingastaðinn Belgo Central, hvar karlhelvítið skal éta krækling í hvítvínssósu. Það verður eflaust skrýtið fyrir mann, sem líklegast hefur fátt étið annað en hamborgara, pizzur og pakkasúpu.

Fleiri Íslendingar verða á Dream Theater-konsertnum. Davíð, sonur Sigurgeirs Sigmunds, verður þar ásamt fleirum. Það verður bara gaman.

[Ásdís Sigurðardóttir, 8.10.2007 kl. 19:19]

Vá,en þú heppinn, vildi að ég væri á útleið.  Skemmtu þér rosalega vel

[Ragga (IP-tala skráð) 8.10.2007 kl. 19:33]

Glæsilegt!

Góða ferð og góða skemmtun. 

[Kristján Kristjánsson, 8.10.2007 kl. 21:01]

Takk stelpur

Ingvar þú færð prik að ná kallinum á sjávarréttastað

[Ingvar Valgeirsson, 8.10.2007 kl. 21:36]

Prik... já, ef það drepur hamborgaraætuna ekki. Ég er ekki viss um að hann hafi nokkurntíma smakkað aðra sjávarrétti en soðna ýsu með kartöflum og smjöri (sem er reyndar ágætisréttur). Svo man ég eftir ágætis sushi-járnbrautarteinastað í stórri kringlu rétt hjá Queensborough. Það væri æði að sjá gamla koma því ofan í sig.

[Kolgrima, 11.10.2007 kl. 12:09]

Vá.

[Thelma Ásdísardóttir, 11.10.2007 kl. 20:53]

Skemmtu þér vel elsku vinur :) Hlakka samt til að fá þig heim og mun sérstaklega hugsa til þín þann 28, á næsta sunnudag (skruddudag :)

[Heiða B. Heiðars, 13.10.2007 kl. 17:01]

Ég var klukkuð.... og nýt þess að koma gremju minni yfir á aðra

Og nú átt þú að skrifa færslu og segja frá 8 hlutum um þig sem engin (amk fáir bloggarar) vita um þig! Helst subbuleg leyndarmál :)