Heaven and Hell

Eftir 10 daga skýst ég aftur til London og fer að sjá Heaven and Hell á Wembley  

 

Heaven & Hell er Black Sabbath með Ronnie James Dio og er sama band og spilaði á Skagarokki um árið. Ég sá þá þar og það verður mjög spennandi að sjá þá aftur. Ég sá tónleika með þeim á DVD um daginn sem var tekinn á þessum sama túr og ég er að fara að sjá. Það voru stórkostlegir tónleikar. Dio hefur einhverntímann gert samning við Kölska á Krossgötum. Það getur enginn maður kominn yfir sextugt sungið svona. Hann er ótrúlegur!

 

Hljómsveitirnar Iced Earth og Lamb of God hita upp og ég er mjög spenntur fyrir Lamb of God. Það er ein af mínun uppáhaldsveitum í harðari kantinum!

 

Hér er myndband með köppunum!

 

 

Rokk og roll

Athugasemdir

[Kristján Kristjánsson, 2.11.2007 kl. 00:30]

Þarna komstu með það Bjarni :-)

[Ásdís Sigurðardóttir, 2.11.2007 kl. 01:19]

Hljómar spennandi. Því miður erum við hjónin ekkert á leið á tónleika, vonandi getum við bætt okkur það upp á næst ári en rosalega góða skemmtun.

[Magnús Geir Guðmundsson, 2.11.2007 kl. 15:30]

Hallast sjálfur nú frekar að "Krossgötukenningunni" þó vissulega hvað rödd og reyndar útlitið líka svo lengi sem ég man, virtist hann lítið sem ekkert breytast eða eldast!

En Kiddi, vona að þið séuð ekkert að storka örlögunum með þessu tali, karlinn hrynji bara niður fyrir augunum á þér!?En listinn?

[e-mail]

[Ásgeir (IP-tala skráð) 2.11.2007 kl. 16:42]

Helvíti er ég sammála þér maður. Var þarna líka á Skagarokki á sínum tíma..Dio rúlar! Líka mjög svalur með Rainbow og sóló.

[Ingvar Valgeirsson, 3.11.2007 kl. 11:48]

Dio er lítill og ljótur kall. Hundleiðinlegur söngvari. Það hefur bara einn góður söngvari verið í Black Sabbath, því ágæta bandi, og hann heitir Glenn Hughes.'

Annars á Dio einn af mínum uppáhaldsfrösum úr rokkinu - "I could have been a dreamer" - hversu glataður er maður ef maður nær ekki einu sinni að vera draumóramaður?

[Kristján Kristjánsson, 3.11.2007 kl. 13:39]

Takk Ásdís :-)

Maggi listinn er á leiðinni :-)

Sammála Ásgeir :-)

Ingvar: Þú ert ***** :-)

[Magnús Geir Guðmundsson, 3.11.2007 kl. 23:46]

Það má nú vart á milli sjá hvor er nær móður jörð, Dio eða Ingvar! Þetta er svo bara nett öfund í strákgreyinu, hefur aldrei öðlaðst viðurkenningu með kjammanum nema þegar hann gasprar!

Glenn Hughes er fínn söngvari, en strangt tiltekið var hann nú ekki söngvari Black sAbbath,platan þarna sem hann söng á og nafni Iommis var klínt aftan við, var nú eiginlega sólóplata gítarleikarans fremur en alvöru Black Sabbathplata. En með hörkufínum lögum samt fannst mér nú!

[Grumpa, 4.11.2007 kl. 22:03]

Heaven end hell er tvímælalaust ein af bestu Sabbath plötunum. þar öðlaðist hljómsveitin algjörlega nýtt líf eftir að hafa verið komin í eintóma þvælu

[Thelma Ásdísardóttir, 8.11.2007 kl. 00:08]

Ekki gleyma emm og emminu annað kvöld :)

[Kristján Kristjánsson, 8.11.2007 kl. 12:11]

Úps

[Ingvar Valgeirsson, 12.11.2007 kl. 00:01]

Steingleymdi reyndar að Gillan söng með Sabbath um tíma. Hann er líka æðislegur.

Magnús, hvers vegna á ég að öfunda Dio? Hann er gamall, ljótur og miklu minni en ég. Snældugeðveikur, egómanískur og ellihrumur dvergur. Ekki er það öfundsvert...