Eftirminnilegir Bergþórutónleikar

Ég fór á minningartónleika um Bergþóru Árnadóttir á gærkveldi og það voru æðislegir tónleikar.

Þegar ég heyrði af í fyrra að það stæði til að gefa út heildarsafn Bergþóru á geisladiskum varð ég mjög  glaður því ég tel Bergþóru vera einn af okkar bestu lagasmiðum. Efni frá henni hefur verið illfáanlegt í gegnum tíðina og í raun finnst mér þetta þjóðþrifaverk. Þessi gersemi á að vera varðveitt eins og handritin og önnur þjóðararfleið. Mjög þakklátt verk hjá Dimmu að ráðast í þetta verkefni og að sjálfsögðu tryggði ég mér eintak á tónleikunum.

Að öllum ólöstuðum stóð Magga Stína uppúr á tónleikunum í gær. Það geislaði af henni og einnig vil ég hrósa hljómsveitinni sem stóð sig frábærlega og náði vel andanum yfir tónlist Bergþóru. Það var uppselt á tónleikana og mér skilst að það eigi að setja upp aukatónleika og ég hvet fólk til að kíkja á þá. Einnig rakst ég á Óla Palla sem sagði mér að rás 2 væri að taka upp tónleikana. Ekki missa af því.

 

Takk aðstandendur Bergþóru fyrir yndislega kvöldstund

 

Athugasemdir

[Birgitta Jónsdóttir, 16.2.2008 kl. 11:17]

Ég er enn að lenda eftir tónleikana, þetta var bara allt frábært. Frábær salur, geðveikt band og söngvararnir áttu allir sín gullnu moment. Gaman að sjá þig á tónleikunum Kiddi.

Erum að byrja á undirbúning fyrir aukatónleika og ég lofa því að þeir verða enn betri, þó erfitt verði að toppa þetta. Slatti af fólki sagði við mig eftir tónleikana að það ætlaði að koma aftur:)

[Ásdís Sigurðardóttir, 16.2.2008 kl. 12:46]

Þetta hefur verið frábært.  Bergþóra var frábær.

[Magnús Geir Guðmundsson, 16.2.2008 kl. 21:59]

Já, ánægjulegt að heyra þetta,sem og gaman að lesa góða upplifun birgittu dóttur Bergþóru af tónleikunum!

En þeim verður nú varla útvarpað strax, á páskunum kannski?