Whitesnake í Höllinni

Skellti mér á Whitesnake í gær að sjálfsögðu. Þetta er sjötta sinn sem ég sé Coverdale á sviði með hina og þessa útgáfuna af Whitesnake.

 

Mér fannst þessi útgáfa af Whitesnake mjög fín. Sérstaklega gítarleikarinn Doug Aldrich sem er í miklu uppáhaldi hjá mér.

 

En Coverdale sjálfur var ekki í sínu besta formi í gær. Röddin frekar slöpp og ekki hjálpaði slæmur hljómburður, sérstaklega í byrjum sem var reyndar skelfilegt. Fystu tvö lögin voru eiginlega ónýt út af hljómburðinum. Coverdale þarf greinilega hjálp með effektum og þá þarf hljómburðurinn að vera í lagi. 

 

Coverdale er góður frontmaður. Talaði mikið til áhorfenda og var hress. Gerði grín af aldrinum og talaði mikið um hvað væri mikið af yngri áhorfendum.  

 

Engu að síður skemmti ég mér vel á tónleikunum. Þeir fluttu slatta af nýjum lögum og klassíkin var til staðar. Uppklappið var sérstaklega gott. Og að heyra Burn var meiriháttar.

 

Alltaf gaman af góðu rokk og róli

 

 

Athugasemdir

[Gulli litli, 11.6.2008 kl. 21:25]

Kúl....

[Himmalingur, 11.6.2008 kl. 21:28]

Blessaður Kiddi : Sammála þér. Kom mér á óvart hvað góður fílingur var í salnum!

[Þráinn Árni Baldvinsson, 11.6.2008 kl. 22:44]

Ég var alveg að fíla tónleikana. Var alveg við sviðið og fyrir utan sándklúðrið í fyrstu tveimur lögunum þá var ég mjög sáttur. Mér fannst Coverdale allverulega góður og vissi ekki hvert ég ætlaði þegar þeir spiluðu Burn sem er eitt af mínum uppáhaldslögum :)

Gaman að hitta á þig í diskasölubásnum Kiddi minn!

[Ingvar Valgeirsson, 11.6.2008 kl. 22:57]

Ákaflega skemmtilegt ball. Missti mig þegar Burn kom. Hvað er smá sándklúður milli vina? Reyndar var sándið mun betra aftar í salnum svo ég hélt mig bara þar.

[Gunnhildur Reynisdóttir (IP-tala skráð) 12.6.2008 kl. 22:48]

 Hmm, Doug Aldrich. Myndi það vera þessi fallegi ljóshærði? Ég held sveimér að ég hafi orðið ástfangin af honum þarna á tónleikunum (já, ég veit - konur)... 

Annars mjög skemmtilegir tónleikar. Bloggaði aðeins um þá sjálf.

[Kristján Kristjánsson, 12.6.2008 kl. 23:33]

Já Gunnhildur. Það var þessi ljóshærði

[Jens Guð, 13.6.2008 kl. 00:22]

  Þið eruð sem sagt ekki að kvitta undir einnar stjörnu dóminn í Mogganum?

[Gunnhildur Reynisdóttir (IP-tala skráð) 17.6.2008 kl. 22:04]

Ég skildi ekki alveg þennan dóm í Mogganum. Tónleikarnir voru vissulega engan veginn gallalausir, en... var þetta slæmur dagur hjá Arnari Eggerti eða hvað? Hann virðist vera sá eini sem var ekki að minnsta kosti sáttur með þessa tónleika...