Biðraðamenningar

Þetta er skemmtilegar tölur. Ég hef stundum verið að spá í biðraðamenningar í heiminum og ég held við Íslendingar erum þar mjög neðanlega á lista. Það hefur reyndar pínulítið skánað undanfarin ár en ekki mikið. Hve oft hefur maður ekki staðið í einfaldri biðröð við kassa í bónus sem skiftist síðan á 2 kassa þegar nær dregur?  Hve oft gengur ekki fólk framyfir í "styttri röðina". Þetta mundi valda miklum deilum erlendis.

 

Þegar ég bjó í Svíþjóð þegar ég var unglingur gleymi ég aldrei að það var hérumbil alltaf sama fólkið á sama stað í röð að bíða eftir strætó. Ég held ég hafi ruglað systemið smá þegar ég var ekki alltaf að koma á sömu mínútunni

 

Svo þegar ég fór að stunda tónleika að staðaldri erlendis þá sá ég svo sannarlega hve aftarlega við Íslendingar erum á þessu sviði. Aldrei neinn ruðningur. Mörg hundruð manns komust inn á örskammri stundu og ekkert vandamál. Maður komst alltaf framarlega á tónleikum, eina sem maður þurfti að gera var að ganga varlega og afsaka sig pent og það opnaðist gátt í hópnum og maður var kominn á góðann stað áður en maður vissi af og lítil sem engin þrengsli.

 

 

Deilt og daðrað í biðröðum

Bankinn minn

Ég er einn af þeim sem er með öll mín viðskifti við sama bankann og hef gert í mörg ár. Telst góður kúnni skilst mér. Það fer óstjórnlega í taugarnar á mér að fá lélega þjónustu. Ég verð að segja frá einu atviki sem mér fannst alveg grátbroslegt.

Ég er með viðbótarlífeyrissparnað í Spron og hef verið með hann í nokkur ár. Svokallaðs Lífsvals sem SPRON bíður uppá. Gott og vel hef byggt upp fínann sjóð og það var góð hugmynd að gera þetta finnst mér. Maður tekur lítið eftir aurnum og þetta er fljótt að safnast. En lengi hefur bankinn verið að senda mér bæklinga um betri leiðir til að ávaxta sparnaðinn. Loksins ákvað ég að hringja í þjónustufulltrúann til að færa mig yfir í svokallaðað æfiskeið minnir mig að það heiti.

Það svaraði ungur maður. Samtalið var skrýtið. Í stuttu máli fékk ég fyrst engin viðbrögð né ráðleggingar við fyrirspurn minni. Loksins sagði ég "Er ekki best að fara í æfisskeiðarkerfið" spurði ég. "Jú jú það gera það flestir" svaraði hann. "Ok best ég geri það" sagði ég samt smá hlessa yfir áhugaleysinu. Þá kom þessi gullna setning "Ok kallinn minn, ég skal redda þessu fyrir þig"!!!!!! "Hvað er meillinn hjá þér". Ég var hvumsa og gaf upp póstfangið. "Ok ég sendi þér meil"
Síðan kom daginn eftir í tölvupósti viðhengi með samningi sem ég átti að fylla út, prenta og senda á eitthvað póstfang útá landi.

Semsagt "Ég skal redda þessu fyrir þig KALLINN MINN" Bankinn er sem sagt að gera mér stórann greiða að ávaxta lífeyrisparnað minn! Og þar sem ég er nú í fyrsta lagi löngu búinn að undirrita samning um lífeyrissparnað hefði nú væntanlega verið lítið mál fyrir "þjónustufulltrúann" að bjóða mér að koma við í einhverju útibúi SPRON og undirrita nýjann samning sem bankinn væri búinn að gera tilbúinn! Nei nei ég átti að prenta út blaðið, fylla það út, kaupa umslag og frímerki, fara í næsta pósthús og senda samninginn út á land.

Bankinn eyðir milljónir króna í auglýsingar og flotta bæklinga en stoppa svo viðskiftin á þjónustufulltrúum sem tala niður til kúnna sína. Ekki góður bissness finnst mér. Eiginlega sorglegt.

Ég ætla að halda áfram viðskiftum mínum við SPRON. Hef lengst af verið ánægður hjá þeim en lífeyrissamningurinn liggur óbreyttur :-)

Skruddufundur

Í gærkveldi var haldinn fundur í menningar og lestrarklúbbnum Skruddunum. Fundurinn var frábær eins og alltaf. Við ræddum bók mánaðarins sem var Hroki og hleypidómar eftir Jane Austen. Ég varð að viðurkenna að ég náði ekki að klára bókina fyrir fundinn. Mér fannst hún alls ekki leiðinleg en hún var erfið lesa. Sögumátinn og viðhorfin á þessum tíma eru mér mjög framandi og stundum varð ég bara reiður yfir fordómum sem voru uppi á þessum tíma gagnvart náunganum. Á móti kom að mér fannst þessi hugsunarháttur mjög áhugaverður og gaman að pæla í hugsunargangi fyrir 200 árum. En allavega umræðurnar um bókina voru mjög fjörugar og áhugaverðar og flestir voru ánægðir með valið á viðfangsefninu :-)

Að sjálfsögðu voru önnur mál rædd sem spannaði allt frá Tíbeskum múnkum, Eurovision, SMS kynslóðina, pólítik, trúmál, passíusálmana, Keith Richards, uppeldismál, matargerð, actionary, leikhús og margt margt fleira.

Næsta bók sem var valin var Zorro eftir Isabel Allende og stóð valið á milli hennar og "The Dirt" æfisögu Mötley Crue :-) Sú bók ásamt æfisögu Keith Richards er reyndar skyldulesning fyrir alla áhugamenn og konur um ólifnað poppstjarna. Ótrúleg frásögn.

Næsti fundur verður svo haldinn hjá undirrituðum eftir 4 vikur. Takk fyrir æðislega kvöldstund og Lolla, þetta flan er vanabindandi :-)

Hallelújah helgi

Maður fyllist næstum tár í auga með að fylgjast með blogginu í dag. Eins og Simmi benti réttilega á í sínu bloggi. "Gríðarleg gæsahúð" "Gríðaleg stemming" "Magnað andrúmsloft" "Tilkomumikil samkoma". Hallelúja það mætti halda að maður væri að lesa um samkomur hjá Krossinum. Maður sér fyrir sig reykmettað sviðið, áhrifamikla tónlist og fram stíga í ljósashowi hetjurnar miklu sem ætla að stýra okkur almúganum næstu árum. Áhorfendur tárfella og klappa eins og mörgæsir og hreyfa hausinn hægt til hægri og vinstri með aðdáunarsvip í andliti. Ha ha maður fær dálítinn kjánahroll að fylgjast með þessu. Hvernig er annað hægt en að kjósa þessa dásamlega fólk. Verst maður getur bara kosið einn flokk!

En ég sé fram á góða helgi. Þarf að vinna eitthvað í dag en svo verður DVD kvöld hjá Sigga í kvöld. Við horfum væntalega fyrst á einhverja góða tónleika, svo einhverja skemmtilega mynd. Ég vona að eitthvað kraftmikið rokk verði fyrir valinu í kvöld, helst Megadeth eða Motorhead, ég er í þannig skapi í dag :-)

Á morgun er svo Skruddufundur þar sem við í Lesklúbbnum hittumst og ræðum menninguna frá öllum sjónarhornum. Ætli pólítíkin komi ekki líka til tals :-) Gruna það.

Fór á tónleika með Peter Björn & John á Nasa í gærkveldi. Það voru fínir tónleikar, fullt hús og góð stemming. Ég var að selja diska líka og tók í sölu einhverja boli fyrir hljómsveitina líka og fannst mjög fyndið hvað margir íslendingar voru að reyna tala við mig á bjagaðri ensku. Héldu greinilega að ég væri sænski bolanördinn :-)

Frábærir tónleikar

Tónleikarnir með Björk í kvöld voru flottir. Það var full höll og fín stemming. Tónleikarnir fóru rólega afstað og svo var bætt í eftir sem á leið. Flytjendur voru í litríkum búningum og tóku sig vel út á sviði. Söngvarinn Anthony kom fram með Björk í einu lagi og var magnaður.

 Brass sveitin kom vel út og það var gaman að heyra gömlu lögin í þessum útsetningum

 

 

Björk hefur hljómleikaferð um heiminn í Laugardalshöll

Monsters of rock 1983

Fyrsta tónleikaferðin erlendis er að sjálfsögðu minnisstæð. Við fórum nokkrir vinir með ms Eddu árið 1983 sem var farþegaskip sem ferðaðist frá Reykjavík til Newcastle í Englandi. Það var hreint æfintýraleg ferð. Í för voru m.a. Eiríkur Hauksson, Siggi Sverris og Pétur heitinn Kristjánsson. Ferðlagið með Eddunni var æfintýralegt og þar kynntist ég fólki sem er enn þann dag í dag með mínum bestu vinum.

En skipið kom of seint til Newcastle og það var ljóst að við mundum koma of seint á tónleikana og við misstum af fyrstu tveimur hljómsveitunum sem voru Diamond Head og Dio. Ég var grútspældur að missa af Dio sem var ein af aðalástæðunum fyrir ferðinni. En það gleymdist fljótt. Twisted Sisters voru á sviði þegar við mættum en ég man lítið eftir þeim tónleikum nema ég man að söngvarinn sagði mjög oft f**k :-)

En þegar ZZ Top steig á svið og ég sá mína fyrstu alvöru hljómsveit á sviði gleymdist öll svekkelsi. ZZ Top var á hápunkti ferisins og fluttu öll þekktustu lögin "Sharp dressed man" "Gimme all your loving" og mættu með kaggann sinn á sviðið :-)

Meatloaf kom svo og þótt ég hafi ekki verið mikill aðdáandi skemmti ég mér þrælvel. Fannst ótrúlegt hvernig maðurinn gat hlunkast þetta um allt svið :-)

Svo kom hápunkturinn. Whitesnake mættu og gerðu mig að þungarokkara fyrir lífstíð :-) Sviðið, ljósið, hljóðkerfið, flugeldarnir voru algerlega ný upplifun fyrir mig og þessum tónleikum mun ég aldrei gleyma :-) Ekki skrýtið að maður sé tónleikafíkill eftir svona upplifun og fyrstu tónleikarnir eru að sjálfsögðu í miklum ljóma í minningunni.

Svo fór hluti af hópnum til London og þar var ég svo frægur að sjá Black Sabbath á sviði með Ian Gillan sem stoppaði stutt við í hljómsveitinni. Þeir voru með hið fræga "Stonehenge" svið sem allir þekkja sem hafa séð Spinal Tap kvikmyndina :-) Einnig sjá ég hljómsveitina Marillion sem þó var ekki orðin þekkt á þessum tíma.

Heimferðin með Eddunni var svo skrautleg því það bilaði stöðugleikakerfi skipsins og það var brjálað veður alla ferðina og allir voru hrikalega sjóveikir nema ég :-)

Skrár tengdar þessari bloggfærslu:

• 3b5f_1_jpg.jpg

Tillitsleysi

Ættingi minn, gömul kona, hefur aldrei getað hugsað sér að nýta sér mataraðstoð sem hefur verið í boði. Henni finnst hún vera að betla og stoltsins vegna hefur hún aldrei gert það þó oft hafi verið hart í búi. Í vikunni ákvað hún að prófa þetta þar sem var óvenju erfitt hjá henni. En það var lífsreynsla sem hún ætlar aldrei að lenda í aftur. Fyrst þurfti hún að hýrast í biðröð í heillangann tíma og leið eins og betlara að eigin sögn. Svo birtist mynd af henni og fleirum á forsíðu DV. Hún grét næstum af skömm.

Fólk er stolt og vill ekki auglýsa neyð sína og það er ótrúlegt virðingarleysi og tillitsleysi sem við sýnum fólki finnst mér. Við stærum okkur af því að búa í velferðarþjóðfélagi en getum ekki gert vel við aldraða og öryrkja og þurfum að láta þeim líða eins og þeir séu baggar á okkar þjóðfélagi. Fjölmiðlar bæta svo á skömmina með því að nota neyð fólks til að selja blöð og taka ekkert tillit til þess að bak við fréttirnar eru fólk sem finnur til.

Síðan rétt fyrir kosningar rjúka stjórnmálamenn til og segjast vilja gera allt fyrir gamalt fólk og öryrkja og eru síðan búin að gleyma loforðum 5 mínútum eftir kosningar.

Úps!

Þar fór ferillinn

Bloggið gæti spillt fyrir

Niðurrif ekki uppbygging

Ég hafði kosið R-listann alla tíð en kaus ekki Samfylkinguna í síðustu borgarjórnarkosningum vegna niðurrifsstefnu þeirra í gamla miðbænum. Þess vegna kemur það mér ekki á óvart að þeir standa með nýjum meirihluta að áframhaldandi niðurrifsstefnu. Þetta verður óbætanlegt tjón á götumynd gamla miðbæjarins og líklegast mesta skemmdarverk sem hefur verið framinn í sögu miðbæjarins. Svo eru þeir að reyna sannfæra mann að þeir séu "umhverfisvænn" flokkur. Það er hægt að bæta miðbæjinn án þess að rífa þessi fallegu hús. Það vantar einfaldlega hugmyndaflug og virðingu fyrir sögu borgarinnar hjá þessu fólki.

Leggjast gegn niðurrifi húsa við Laugaveg og Vatnsstíg

Spennandi úrslit

Það verða spennandi úrslit á Músíktilraunum á laugardaginn. Tilraunirnar hefjast kl 17 sem er fyrr en vanalega og eru haldin í Listasafni Reykjavíkur í Hafnarhúsinu við Tryggvagötu.

 

Hljómsveitir sem fram koma eru SkyReports, Shogun, Spooky Jetson, Magnyl, <3 Svanhvít!, Loobyloo, Gordon Riots, The Custom, The Portals, Hip Razical og Soðin Skinka. 

 

Hlakka til

 

Úrslit Músíktilrauna 2007 á laugardag