Flensan

Ég lagðist í flensuna í dag. Damn ég var að vona að ég mundi sleppa. Það eru flestir í kringum mig búnir að liggja undanfarnar vikur og ég hélt ég væri sloppinn. Jæja ekkert við því að gera og ég hef notað daginn í að liggja fyrir og horft á gamlar Sherlock Holmes myndir :-) Náði að koma nokkrum aðkallandi málum í vinnunni frá enda hægt að gera orðið flest heiman frá sér. Þökk sé internetinu :-)

Enn og aftur kom í ljós kreddu hugsunarháttur löggjafans og dómstóla í dag í máli stelpunnar sem var mynduð án hennar vitnenskju og túlkun á því hvort athæfið hafi verið "lostafullt" eða ekki. Niðurlæging er misnotkun hvað sem menn vilja svo kalla þetta og ef fólk sér ekkert athugavert við þetta þá er eitthvað að hjá fólki. Það er nákvæmlega ekkert sem réttlætir þetta mál. Eitt komment sem ég sá einhverstaðar var að maðurinn mátti alveg mynda hana þar sem hún var á hans heimili. Er þá í lagi að misnota fólk þegar það er inná heimilnu þínu? Púff hvað fólk getur verið bilað!

Örn sagði svo í kommenti hér fyrir neðan að lögin væru alveg skýr. Þetta er löglegt! Það eru bara feministar og svoleiðis lið sem sjá það ekki! Úff stundum heldur maður að maður búi ekki á sömu plánetu.

Svo eru mjög áhugaverðar umræður um heimilslausa og heimilisofbeldi á síðunni hjá Thelmu (Sjá bloggvini til hliðar) Mjög þörf umræða.

Það er ágætis greinar um þessi mál líka á bloggi Ágúst Ólafar og Árna Þórs sem vert er að kíkja á. Það veitir greinilega ekki af að fara setja þessi mál í forgrunn. Þessi mál eru í algerum ólestri. Held líka að það þurfi hugarfarsbreytingu hjá mörgum og upplýsta umræðu um þessi mál.

Jæja heilinn á mér er steiktur :-) Best að leggjast aftur í bælið :-)

Ekki misnotkun?

Ég er ansi hræddur um að dómstólar séu ekki alveg með á nótunum ef þeir telja þetta ekki misnotkun! Ég skil ekki alveg þessa röksemdarfærslu!

Sýknaður af ákæru fyrir að taka mynd af naktri konu

Götulistamenn

Það er að koma vor og það var ánægjulegt í dag að sjá götulistamenn fyrir utan Bónus á laugavegi. Mér finnst svo gaman að sjá fólk spila á götuhornum og á förnum vegi. Það hefur einhvernveginn aldrei myndast stemming hérna heima á borð við erlendis þar sem þetta þykir sjálfsagt mál og hluti af borgarmenningu. Ég held að við Íslendingar lítum dálítið á götuspilara sem betlara sem er út í hött. Þetta er fólk sem er skemmta okkur og mér finnst sjálfsagt að þeir fái borgað fyrir það.

Ég bjó í New York í nokkra mánuði fyrir mörgum árum síðan og kynnist vel götulistamönnum þar. Minn uppáhaldspöbb var í háskólahverfi nálægt Columbiaháskólanum og það var athvarf fyrir listamenn sem voru margir hverjir voru að læra í háskólanum. Þar kynnist ég mörgum hæfileikaríkum tónlistarmönnum sem lifðu á spilamennsku í neðanjarðarlestum, götum og pöbbum. Það var yfirleitt fastur rúntur hjá flestum, fyrrihlutinn fór yfirleitt í að spila í neðanjarðarlestum og á fjölförnum götum, á kvöldin var oftast spilað á pöbbum og í litlum klúbbum. Það var yfirleitt borgað eitthvað smáræði á pöbbunum en eftir settin var hattur látinn ganga og höfðu flestir mest uppúr því. Flestir sem ég kynnist höfðu fínt uppúr þessu. Enda margir alveg frábærir listamenn.

Hér heima man ég bara eftir JóJó sem gerir þetta að staðaldri og líta flestir á hann sem dálítið skrítinn kall. Listamenn á borð við KK hafa góða reynslu á að spila erlendis sem farandstrúbatorar hefðu sennilega aldrei dottið í hug að gera það hér heima því eins og ég kom að áðan held ég að við lítum alltof mikið á svona spilamennsku sem betl og erum líka mjög nísk á að borga listamönnum fyrir vinnu sína.

Skrýtið Músíktilraunakvöld

Í kvöld var 4 kvöld Músíktilrauna og það varð skrýtin uppákoma þar. Þegar 3 hljómsveitir af 10 höfðu spilað var keppnin stöðvuð af brunaeftirlitinu vegna þess að í öðrum sal í húsinu átti að fara fram "Gettu betur" keppnin og þá var of margt í húsinu. Þetta kom flatt uppá starfsmenn ÍTR en þeir leystu þetta á farsælann hátt með því að fá rútur á staðinn og ferjuðu öllum gestum í Hitt Húsið á meðan á "Gettu betur" stóð. Það varð rúmlega klukkutíma hlé og síðan hélt keppnin áfram. Furðuleg uppákoma en starfsfólk ÍTR fá hrós fyrir snögg viðbrögð.

En keppnin var frábær og það fóru 3 hljómsveitir áfram. Það voru The Custom, Shogun og Hip Razical.

Síðasta undankvöldið verður annað kvöld og úrslitin svo annann laugardag í Listasafninu.

Gott mál

Gott að vita að nýr meirihluti í reykjavík ætla að styrkja Hinsegin daga. Þessi hátíð er orðinn ómissandi hluti af menningarlífi okkar Áfram á þessari braut! 

Reykjavíkurborg styrkir Hinsegin daga um 4 milljónir á ári

Fáráðleg ákvörðun

Ég hef aldrei skilið þessa ákvörðun að hefja hvalveiðar að nýju. Einu rökin sem ég heyri er að við eigum ekki að láta aðra segja okkur fyrir verkum. Hljómar dálítið eins og þjóðremba í mínum eyrum. Það eru engin augljós viðskiftaleg rök fyrir ákvörðunni, engin diplómatískt rök og af umhverfisjónarmiðum hef ég ekki séð sterk rök heldur. Ég hef ekki kynnt mér líffræðileg rök sjávar og áhrif fjölgun hvala í sjónum. Læt fróðari menn tala um það.

 

En það er alveg ljóst og hef ég kynnst því í mínu starfi að þetta hefur mjög neihvæð áhrif út á við og þó það sé ekki komið í ljós núna (það tekur tíma að þau áhrif komi í ljós) á þetta eftir að hafa neihvæð áhrif viðskiftalega séð fyrir okkur. Ímynd Íslands býður hnekki við þetta.

 

 

Álíka margir ánægðir og óánægðir með að hvalveiðar skuli hafnar

Hey!

Þar sem lesklúbbur Victoriu og co ætla að lesa sömu bók og við í lesklúbbnum Skruddunum ættum við kannski að hringja í hana og bjóða þeim stöllum á næsta fund?  

Viktoría ætlar að stofna leshring í Hollywood

Loksins

Það er ótrúlegt að það hafi þurft að karpa um þetta mál. Þetta er einn af svörtu blettum réttarkerfisins sem er loksins leiðréttur. Allir vita að afleiðingar kynferðisbrota fyrnast aldrei. Áfram á þessari braut takk!

Fyrningarfrestur á kynferðisafbrotum gegn börnum afnuminn

Gott átak í gangi

Það er góð færsla inná bloggi skessa.blog.is þar sem er beðið um samtöðu til að banna nauðgunarlyf. Hvet alla til að kíkja inná síðuna hjá henni og skoða málið.

Útgáfutónleikar Ólafar Arnalds

Fyrir þá sem hafa áhuga á hugljúfri tónlist og notalegri kvöldstund mæli ég með útgáfutónleikum Ólafar Arnalds sem verða haldnir á Nasa næstkomandi miðvikudagskvöld. Ólöf hefur verið áberandi undanfarið. Hún semur tónlistina ásamt Röggu Gísla við Píkusögur sem er nú verið að flytja og gaf nýverið út sólóplötu sem er að fá fína dóma viðast hvar. Þetta verða semsagt útgáfutónleikar fyrir þá plötu.Þetta verða sitjandi tónleikar sem mér finnst hið besta mál. Mætti gera meira af því á Nasa.

Verst að ég kemst ekki sjálfur þar sem ég er að dæma í Músíktilraunum sama kvöld en mér finnst rétt að vekja athygli ykkar kæru bloggarar á spennandi atburðum :-)