Magnaðir Mínustónleikar

Fór á tónleika með Mínus á Grand Rokk í gærkveldi. Þetta var í fyrsta skiftið sem ég sé þá með nýja skipaninu og þetta voru æðislegir tónleikar. Það var í fyrsta lagi æðislegt að sjá þá aftur á litlu sviði. Hljómgæðin voru léleg til að byrja með en lagaðist fljótt. Þeir vorum mun þyngri en áður og bandið brilleraði alveg. Nýji bassistinn er fínn og Bjössi trommari er alltaf að verða betri og betri. Hann er einn besti trommuleikari landsins í dag, engin spurning. Bjarni var fínn á gítarnum og lögin urðu hrárri með bara einum gítarleikara og það var fínt. Það er spurning með flóknari lög eins og t.d. "Futurist" þau verða öðrvísi "live" en eins og kom fram áður, hrárri og kraftmeiri. Krummi var í fínu formi mikill léttleiki og spilagleði í strákunum.

 

Ég skemmti mér  þrælvel og er enn með suð í eyrum eftir mikið rokk og ról :-)

 

Ég verð að taka fram ánægju mína með reykbannið. Mér finnst allt annað líf að vera tónleikum núna, sérstaklega á svona litlum stöðum

 

Mínus tónleikar í kvöld

Mér sýnist vera komið gott plan á kvöldið. Fyrst dinner svo DVD kvöld. Síðan ætla ég og Grumpa að skella okkur á tónleika með Mínus á Grand Rokk. Hlakka til að sjá hvernig nýja skipanin á sveitinni kemur út. Ég er mjög ánægður með nýju plötuna og hlakka til að heyra lög af henni "live".

Annars eru þessir dagar undanfarið alveg ótrúlegir. Maður er farinn að halda að maður búi ekki lengur á Íslandi. Ég man satt að segja ekki eftir öðrum eins blíðveðrakafla. Fór í gönguferð um Elliðardalinn í dag með i-podd og bók og naut blíðunnar. Lagðist við ána og var næstum sofnaður við plötu með Tangerine Dream (Thief) í poddinum :-)

Yndislegur dagur

Ég er svo heppinn að vinna í miðbænum Auðvitað notar maður öll tækifæri sem gefst að kíkja út enda ýmislegt að stússa utandyra Mér finnst æðislegt að labba laugarveginn í hádeginu, setjast á kaffihús og fylgjast með mannlífinu. Túristarnir eru mjög áberandi þessa dagana og lita mannlífið Svo eftir vinnu fær maður sér góðann göngutúr, kíkir í sund eða ræktina. Ég er farinn að stunda yoga tvisvar í viku núna og finnst það æðislegt. Það er ein besta líkamsrækt sem ég hef prófað því maður er algerlega endurnærður á líkama og sál eftir tímana. 

Í kvöld eftir ræktina er það svo kökur og kruðerí hjá Grumpu sem er víst orðin örlítið eldri en hún var. Hlakka til Njótið dagsins kæru vinir

Skrýtið

Fargjöld hækka. Ferðum fækkar. Þjónusta minnkar og enginn áhugi hjá borgaryfirvöldum í reykjavík að minnka notkun einkabílsins. Hmmm varla geta menn verið hissa 30 þúsund færri farþegar og það er minni minnkun en stjórnendur áttu von á. En ég held þeir þurfi ekki að hafa áhyggjur. Þeim tekst örugglega að fækka farþegum enn meira með þessu áframhaldi.

Færri með strætó

Hvar var tískulöggan?

Ég fæ aldrei nóg að skoða 80's tískuna. Í hvaða heimi vorum við? Þótti þetta virkilega kúl?

 

Þið verðið að skoða þessa myndklippu 

 

En gerið það, horfið á allt myndbandið. Miðkaflinn er sérstaklega ótrúlegur  

 

 

Robert Plant neitar orðrómi um endurreisn Led Zeppelin

Samkvæmt vefritinu www.totalrock.com neitar Robert Plant orðrómi um að Led Zeppelin séu að koma saman aftur.

 

Þessi orðrómur hefur reyndar alltaf dúkkað upp við og við undanfarin ár. En allavega fullyrðir Total Rock að Plant segir þetta dellu.

 

 

Afmæli

Ég er að undirbúa smá veislu í kvöld á Hringbrautinni af tilefni ** (Ritskoðað) ára afmæli mínu í dag :-) Mér finnst svooo skemmtilegt að undibúa svona gilli. Ætla búa til fullt af smáréttum og er að setja saman playlista fyrir kvöldið :-)

Vonandi sjá sem flestir sig fært um að mæta og hlakka til að sjá ykkur í kvöld!

Dúndurveggur

Ég fór á tónleika með Sinfóníuhljómsveit Íslands og Dúndurfréttum í Laugardalshöll í kvöld. Ég hef aldrei séð Dúndurfréttir spila enda lítið hrifinn af svokölluðum "kóver" hljómsveitum og leiðist alveg innilega þannig tónleika.

 

Mér fannst það samt spennandi að sjá hvernig þetta verk kæmi út með Sinfóníunni og ég veit að það eru góðir spilarar í Dúndurfréttum. Ég varð alls ekki fyrir vonbrigðum. Þetta voru flottir tónleikar. Ekki fullkomnir en skratti góðir.

 

Strákarnir voru í hörkuformi og útsetningin á verkinu mjög fín. Auðvitað vildi maður hafa einhverja hluti örðvísi, meiri strengi þarna og minni á öðrum stöðum en það er bara eðlilegt. Maður þekkir nátturlega verkið út í æsar og allir hafa örugglega einhverjar skoðanir á því

 

Það hefði mátt hafa gítarinn hjá Einari gítarleikara hærri á köflum, sérstaklega í "Comfortlaby numb" en það var alveg hægt að fyrirgefa það því það lag var hreint magnað í kvöld. Sinfónían naut sín alveg í botn og hljómasveitin frábær. Þannig að svona hlutir sem eru örugglega persónubundnir hafa lítið að segja 

 

Það kom mér smá á óvart hvað áhorfendahópurinn var breiður. Ég bjóst við frekar "miðaldra" tónleikum en það var ekki. Stemmingin var æðisleg.

 

Hápunktar voru "Another brick in the wall part 2" með barnakór og öllu og "Comfortably numb"  þar sem öll spil voru úti.

Gæsahúð

 

Kveðja Susie Rut

Mig langar til að benda á áhrifamikið bréf frá foreldrum Susie Rut litlu frænku minnar sem mér barst ekki gæfa til að kynnast. Mamma Susie er dóttir bróðir pabba míns og hugur minn er með fjölskyldunni á þessum erfiða tíma. Missir þeirra er meiri en hægt er að ímynda sér. Útförin er í dag.

 

Þau tóku þá ákvörðun að segja söguna til þess að reyna að forða öðrum frá sömu örlögum. 

 

Hér er bréfið 

 

 

Jónsmessuganga

Ég var að koma úr Jónsmessugöngu um Elliðardalinn. Það var gengið frá Árbæjarsafni niður gömlu þjóðleiðina niðrí dal. Við komum við í æðislegum garði þar sem elsti greniskógur landsins er og það var upplifun. Maður trúir því varla að svona sé til rétt hjá manni. Ábúandinn gékk með okkur um garðinn og fræddi okkur um garðinn. Síðan var gengið niður að virkjuninni á Orkuveitunni og á leiðinni fræddu tveir leiðsögumenn okkur um sögu dalsins o.fl.

Þetta var æðislega gaman. Einn af þessum hlutum sem maður gerir allt of sjaldan.