Hallelujah!

Það rifjaðist upp hjá mér í kvöld þegar ég var að lesa leiðindarifrildi á einu bloggi lagið Hallelujah eftir Leonard Cohen. Í dag tengja flestir lagið við Jeff Buckley sem gerði ódauðlega útgáfu af laginu og síðan Shrek! En lagið kom fyrst út á plötu Cohens "Various positions" sem kom út 1984.

 

Ég gróf upp nokkrar útgáfur af laginu og hér er fyrst útgáfa með höfundinum Leonard Cohen.

 

 

Hér er svo ægifallega útgáfa Jeff Buckley.

 

 

John Cale úr Velvet Underground flytur hér sína útgáfu af laginu.

 

 

Bon Jovi hefur líka margoft flutt lagið. Hér er "Unplugged" útgáfa.

 

 

Að lokum kemur annað Hallelujah lag. Nick Cave samdi það og flutti á plötunni "No more shall we part" frá 2001. Æðislegt lag!

 

 

Amen!

50 Bestu tónleikahljómsveitir sögunnar

Hið stórskemmtilega tímarit Classic Rock er mjög duglegt að birta lista um bestu hljómsveitir. Oftast er ég mjög ósammála þeim en engu síður eru þetta yfirleitt mjög skemmtileg lesning. Nú birta þeir lista um 50 bestu tónleikahljómsveitir sögunnar. Ég er innilega ósammála röðinni á mörgum sveitum en flestar eiga samt heima á topp 50 örugglega (Nema ég skil kannski ekki af hverju Fugazi er í 30 sæti).

Ég taldi í gamni hvað ég hafði séð margar af þessum sveitum sjálfur og var mjög sáttur að komast að því að ég hef séð helminginn af þeim. En það eru nokkrar á þessum lista sem ég stefni að sjá það er á hreinu

Ég dekkti í gamni þær hljómsveitir sem ég hef séð á tónleikum. 

 

50. Rory Gallager

49. Muse

48. Heart

47. Grateful Dead

46. Dio

45. Sensational Alex Harvey Band

44. Genesis

43. Alice Cooper

42. Deep Purple

41. Jeff Beck Group

 

40. Metallica

39. Mötley Crue

38. Marillion

37. Fleetwood Mac

36. Rush

35. Rainbow

34. Nirvana

33. Status Quo

32. REM

31. Paul McCartney

 

30. Fugazi

29. David Bowie

28. Ramones

27. Soundgarden

26. U2

25. Motorhead

24. Rammstein

23. Slayer

22. The Police

21. Yes

 

20. UFO

19. Thin Lizzy

18. The Clash

17. Bruce Springsteen

16. Cream

15. Rage Against The Machine

14. Radiohead

13. Guns n' Roses

12. Van Halen

11. Aerosmith

 

10. The Beatles

9. Kiss

8. Roling Stones

7. Iron Maiden

6. Queen

5. Pink Floyd

4. Jimi Hendrix

3. AC/DC

2. The Who

1. Led Zeppelin

 

Gaman væri að sjá hvaða sveitir þið hafið séð af þessum lista.

 

Hljómsveit á flótta

Það er langt síðan ég hef hlustað á Wings. Gróf í CD safninu mínu í dag og setti í tækið tvær snilldarplötur. "Band on the run" og "Venus and Mars". Maður gleymir stundum hvað McCartney er mikill snillingur!

 

Rokk og roll

 

Morðingjar í Smekkleysubúð

Ef þið eigið leið á laugaveg í blíðunni í dag þá eru Morðingarnir "ógurlegu" að spila í Smekkleysubúð kl 16. Ég er viss um að þeir drepa ykkur ekki úr leiðindum

 

Annars er allt gott að frétta úr mínum herbúðum. Mikið um að vera í félagspakkanum og lítill tími við tölvu  

 

 

Rokk og roll

Engisprettur og Græna ljósið

Skellti mér í Þjóðleikhúsið í vikunni og sá leikritið Engisprettur. Það er eftir Serbeskann höfund,  Biljana Srbljanovic, fyrsta leikrit sem ég sé eftir Serba held ég. Í stuttu máli var þetta stórfínt leikrit. Allir leikarar stóðu sig með prýði, sérstaklega Sólveig Arnarsdóttir. Uppsetningin var alveg frábær. Sviðsetningin einstaklega vel heppnuð. Mæli með þessari sýningu.

 

Keypti svo kort á kvikmyndahátíð Græna ljóssins og hef séð fjórar sýningar. Þar stendur uppúr stórgóð heimildarmynd um Darfur. Loksins náði maður að sjá atburði heildrænt og skilja betur fáráðleikann bakvið þennan harmleik.

 

Verð að vera duglegur í næstu viku því ég á átta myndir eftir

 

Skellti mér á kvikmyndatónleika með sinfóníunni á laugardag og það var skemmtilegt. Gaman að sjá öðruvísi tónleika með þeim. Star Wars kom alveg sérstaklega vel út

 

Fór síðan út að borða með elskunni minni á La Primavera á laugardagskvöldið. Ég mæli mjög með þeim stað. Úrvalsmatur og frábær þjónusta. Var að borða þarna í fyrsta skifti en kem alveg örugglega aftur

 

 

 

 

 

Plögg!

EIRÍKUR HAUKSSON Í METALL!!! Á RÁS 2 Á FIMMTUDAGINN!

Það er einstaklega skemmtilegt að geta sagt frá því að sjálfur Eiríkur Hauksson, hinn geðþekki rauðhærði riddari, verður gestur í METALL!!! nú á fimmtudagskvöldið. Eiríkur mun spila sín uppáhaldsslög og spjalla um uppvöxt sinn sem þungarokkara yfir ljúfum kaffibolla eða tveimur. Eiríkur á að baki glæstan bárujárnsferill með sveitum eins og Start, Drýsli og hinum norsku ARTCH sem eru í miklum hávegum hjá þungarokkssælkerum en plata þeirra frá 1988, Another Return To Church Hill, þykir vera mikill kjörgripur.

Erik Hawk metalhaus mánaðarins! Það er eiginlega ekki hægt að biðja um það betra. Þetta er einfaldlega þáttur sem stranglega er bannað að missa af!

METALL!!! ... án efa rauðhærðasti útvarpsþáttur í heimi

 

Þetta er MÖST!

Skínandi ljós

Ég fór á forsýningu á mynd Martin Scorsese "Shine a light" áðan. Ég hafði miklar væntingar til myndarinnar þar sem Scorsese er snillingur að ná fram stemmingu á tónleikum. "The last waltz" var gott dæmi um það.

 

Ég var ekki fyrir vonbrigðum. Myndir er alveg frábær. Rolling Stones í banastuði. Það sem mér fannst flott var að Scorsese nær fram stemmingunni hjá Stones á tónleikum. Myndin einbeitir sér af tónleikunum sjálfum og það er ekki mikið um annað efni í myndinni. Það litla sem er nær fram karakter hljómsveitirnar mjög vel. Það er náttúrlega sérstakt að sjá Stones spila í litlu leikhúsi og reyndar ekki vanalegt fyrir hljómsveitina þar sem þeir spila oftast á risastöðum. Í staðinn fáum við hljómsveitina í nærmynd, hrukkur og allt! Prógrammið var mjög flott. Nokkrir gestir komu fram og snilldar leikstjórn Scorsese gerir myndina eftirminnilega skemmtun.

 

Ég hvet alla til að reyna sjá myndina í bíó. Stórt tjald og frábær hljómgæði gefa myndinni auka vægi. Það er allt of sjaldan orðið að það sé hægt að horfa á góðar tónleikamyndir í bíó.

 

Rokk og roll

 

 

Bestu Bresku lögin 3. hluti

Jæja eftir smá hlé kemur næsta runa af bestu Bresku lögunum að mati sérvitringana hjá Classic Rock blaðinu

 

29. Oh england my Lionheart - Kate Bush

28. Matty Groves - Fairport Convention

27. Lionheart - Saxon

26. Pearly queen - Traffic

25. Hergest ridge - Mike Oldfield

24. Caught by the fuzz - Supergrass

23. Bron-yr-aur Led Zeppelin

22. The Poacher - Ronny Lane's Slim Chance

21. Ace of spades - Motorhead

20. A Design for life - Manic Street Preachers

19. Lazy sunday - The Small Faces

18. Heart of Lothian - Marillion

17. A Whiter shade of pale - Procol Harum

16. Bank Holiday - Blur

15. Lights out - UFO

 

 

 

Bestu Bresku lögin 2. hluti

Hér koma næstu lög á lista Classic Rock um 65 bestu Bresku lögin. Þetta er þrælskemmtilegur listi þó hann sé stórfurðulegur á köflum :-)

 

49. Geordie in wonderland - The Wildhearts

48. Borstal breakout - Sham 69

47. The Battle of Epping forest - Genesis

46. Waterfront - Simple Minds

45. Solisbury hill - Peter Gabriel

44. Ballroom Blitz - The Sweet

43. A Very cellular song - The Incredible String Band

42. Lazy - Deep Purple

41. Man in a shed - Nick Drake

40. Creep - Radiohead

39. Next - Sensational Alex Harvey Band

38. The Ripper - Judas Priest

37. Merry christmas everybody - Slade

36. Cigarettes & Alcohol - Oasis

35. Dangenham Dave - The Stranglers

34. Into the valley - Skids

33. When an old Chicketer leaves the cease - Roy Harper

32. Lying in the sunshine - Free

31. In the grip of a tyre fitter's hand - Budgie

30. In a Big Country - Big Country

 

Meira síðar

 

 

Menningardagur í Mál og Menningu

Næstkomandi laugardag ætlar Mál og Menning á laugarvegi að halda sérstakann menningardag. Laugavegurinn hefur verið að fá frekar neikvæða umfjöllun og kominn tími á að snúa vörn í sókn

Þeir verða með afar skemmtilega og fjölbreytta dagsskrá:

14:00 Mikael Lind spilar píanótónlist í anda Satie
14:30 Jón Magnús Arnarson les eigin ljóð
15:00 /7oi býr til raftónlist af mikilli hæfni
15:30 Emil Hjörvar Petersen les eigin ljóð
16:00 Hljómsveitin Rökkurró er með fallegt krútt-popp sem heillar gesti upp úr skónum

Ljóðin eru öll frumsamin og líka tónlistin, engin "cover"-lög (ábreiður)! Auk þess geta gestir skoðað myndlist eftir nokkra af þeirra hæfileikaríku starfsmönnum

 

Stöndum vörð um menningarverðmætin. Miðbærinn er okkar allra!