Metall fimmtudagskvöld

Ég verð gestur í rokkþættinum Metall á Rás 2 fimmtudaskvöld. Þetta verður létt spjall hjá okkur Arnari Eggert og ég spila slatta af uppáhaldslögum í gegnum tíðina

 

Verður bara gaman. 

 

 

 

 

 

 

 

Góð afmælisveisla

Ég fór til keflavíkur um helgina í afmæli hjá Bjössa Páls vini mínum og Lufsufélaga. Lufsurnar eru rokk klúbbur sem ég er meðlimur í og er staðsettur í keflavík.

 

Dagskráin var hin glæsilegasta hjá Bjössa. Ég verð að viðurkenna að ég man ekki hvað fyrsta hljómsveitin hét en þar á eftir komu Deep Jimi & The Zep Cream með prógramm af frumsömdu efni. Næst steig KK á svið og var frábær að venju. Síðan enduðu Deep Jimi kvöldið með hörku ball prógrammi. Það voru að sjálfsögðu Deep Purple, Led Zeppelin, Jimi Hendrix og Cream lög Það var djammað fram eftir nóttu og ég hef ekki dansað svona mikið mjög lengi

 

Takk Bjössi fyrir æðislegt kvöld!

 

p.s. Tónlistarspilarinn hér til hliðar er loks farinn að virka hjá mér og ég verð duglegur að uppfæra hann hér með

 

Ammæli

 

 

 

Var að fá í hendur nýja Mars Volta diskinn í dag og hún hljómar mjög vel við fyrstu hlustun. Þeir hafa verið í miklu uppáhaldi hjá mér. 

 

Útgáfa þeirra af Birthday eftir Sykurmolana er æðisleg. Hér er linkur til að hlusta. :-) Það mætti halda að þetta væri Björk að syngja

 

 

 

Hér er svo myndband við lagið Goliath af nýju plötunni: Æðislegt! 

 

Músíktilraunir 2008

Nú styttist í hinar árlegu Músíktilraunir. Hér eru upplýsingar frá Hinu Húsinu hvernig hljómsveitir geti skráð sig í keppnina.

 

Músíktilraunir-Tónlistarhátíð 2008

Markmið:

- Að veita ungum íslenskum hljómsveitum og tónlistarfólki tækifæri á að koma tónlist sinni á framfæri.

- Að skapa vettvang fyrir unnendur tónlistar til að geta fylgst með ungum og efnilegum hljómsveitum og tónlistarfólki.

- Að stuðla að því að fjölmiðlar skapi umræðu og kynningu í samfélaginu á ungu og upprennandi tónlistarfólki.

Reglur:

1. Hljómsveit þarf að skila af sér: (Sjá nánar á www.musiktilraunir.is)

 

- Útfylltu skráningarblaði

 

 

- Geisladisk/MP3 með 2 frumsömdum lögum - þurfa ekki að vera vandaðar upptökur.

 

 

- Mynd af hljómsveit - á tölvutæku formi merkja vel öll nöfn í réttri röð.

 

 

- Text um hljómsveit á word skjali

 

 

- 6.000 kr. Þátttökugjald.

 

 

- Skráning er gild gegn greiðslu

 

 

Skráningarblað, upptökur, mynd og þátttökugjald verður að hafa borist Tónabæ eða Hinu Húsinu fyrir 25. febrúar

 

 

2. Á hverju undankvöldi skal hljómsveit flytja 2 frumsamin lög. Heildartími þeirra skal ekki vera meiri en 10 mínútur.

 

 

3. Á úrslitakvöldi flytur hver hljómsveit 3 frumsamin lög. Heildartími þeirra skal ekki vera meiri en 12 – 15 mínútur.

 

 

4. Hljómsveit má ekki hafa gefið út efni sitt á geisladisk, plötu eða hljóðsnældu.

 

 

- Talað er um útgáfu þegar efni er selt og markaðsett skipulega fyrir almenning.

 

 

Ekki er um útgáfu að ræða þegar efni:

 

 

- er eingöngu notað sem gjafir, þrátt fyrir að það sé á geisladisk, plötu eða hljóðsnældu.

 

 

- eftir hljómsveit hefur eingöngu komið út á safnplötu.

 

 

-Sökum þess hversu auðvelt er að útbúa og dreifa tónlist í gegnum netið telst það ekki til útgáfu og er því leyfilegt.

 

 

5. Framkvæmdarnefnd Músíktilrauna 2008 áskilur sér þann rétt að hafna hljómsveitum þátttöku ef:

 

 

- sýnishorn það sem berst á hljóðsnældu/geisladisk/MP3 stenst ekki tónlistarlegar lágmarkskröfur sem gerðar eru til keppninnar.

 

 

- Af öðrum ástæðum.

 

 

6. Athugið að á Músíktilraunum 2008 eru fjöldatakmarkanir þ.e. þær 50 fyrstu hljómsveitir sem skrá sig og greiða þátttökugjald komast að.

 

 

7. Ef eitthvað kemur upp á, t.d. ef að hljómsveit ætlar að hætta við, þá verður að tilkynna starfsmönnum Tónabæjar eða Hins Hússins það strax eða fyrir 1. mars 2008.

 

 

ATH.! Þátttökugjald er ekki endurgreitt eftir 25.febrúar 2008

Skráning hefst 11. febrúar 2008 í:

TÓNABÆ:síma 411-5400 eða [e-mail]

HINU HÚSINU: símum 411-5500 eða [e-mail]

Heimasíður:

 

www.musiktilraunir.is

www.tonabaer.is

og

www.hitthusid.is

 

Endurfæddir

 Jæja best að setja inn nýja færslu. Mér skilst að sumir bloggvinir mínir hafi þurft áfallahjálp eftir þennann hrylling í færslunni á undan Ég gróf upp myndband með Black Sabbath. Það er þrælfínt lag sem heitir Zero The Hero og er af hinni vanmetnu plötu "Born again". Þar söng Deep Purple söngvarinn Ian Gillan en entist ekki lengi í hljómsveitinni.

 

Gillan hefur sagt í viðtölum að hann var ekki hrifinn af plötunni á sínum tíma og sérstaklega ekki umslaginu sem hann hataði. En í dag finnst hann platan fín. Hann fór í tónleikaferðalag með Black Sabbath eftir plötuna og ég var svo heppin að sjá þá á Reading hátíðinni 1983. Ferðalagið var skrautlegt og var mikill innblástur fyrir Spinal Tap. Spinal Tap myndin er reyndar mynd sem allir ættu að sjá, fyndnari mynd um rokk hefur ekki verið gerð. En allavega í myndinni koma Spinal Tap fram með sviðsmynd af Stonehenge sem var allt of lítil og svo var dvergur sem dansaði í kringum sviðsmyndina. En í alvörunni þá létu Black Sabbath byggja Stonehenge sviðsmynd sem var allt og stór þannig að hljómsveitin komst varla fyrir á sviðinu Síðan var dvergur sem dansaði uppá sviðsmyndinni. Ian Gillan minnist á í viðtali að á einhverjum tónleikunum heyrði hann óp og svo dynk þegar dvergurinn datt af sviðsmyndinni

 

En ég mæli með plötunni "Born again" engin spurning!

 

Rock og roll

Lyftumetall

Það fyndnasta sem hefur gerst við þungarokkstónlist hlýtur að vera plata sem Pat Boone gaf út fyrir nokkrum árum! Hún heitir "In a metal mood" og er ólýsanleg. Ég ætla ekki að reyna heldur set inn nokkur tóndæmi.

 

Holy Diver (Dio)

 

 

Enter Sandman (Metallica)

 

 

Stairway to heaven (Led Zeppelin)

 

 

I rest my case