Villirósir

Hér er ein morðballaða frá meistara Cave.

 

Ég man þegar ég var að vinna í plötubúð um það leiti sem þetta lag var vinsælt. Það kom ungt par og voru að leita af fallegu lagi fyrir brúðkaupið sitt. Þau spurðu m.a. um þetta lag. Ég spurði þau hvort þau hefðu nokkuð spáð í textann í laginu. Það kom smá skrýtinn svipur þegar ég útskýrði textann í stuttu máli.

 

Þau keyptu ekki plötuna

 

 

Smá plögg

Mig langar til að "plögga" smá metal þættinum hjá Arnari Eggert á rás 2 í kvöld

 

Hann fer yfir árið í þungarokkinu í næstu 2 þáttum og það verður örugglega skemmtilegt.

 

Hér er smá tilkynning frá kappanum-

Þungarokksárið 2007, erlendis sem hérlendis, verður gert upp í tveimur næstu þáttum METALS!! á Rás 2, sem er á dagskrá á fimmtudagskvöldum eftir tíu fréttir. Nú á fimmtudaginn verður farið yfir helstu þrekvirki sem borin voru á borð erlendis á síðasta ári og tóndæmi af þeim leikin. Stuðst verður við ársuppgjör helstu þungarokksmiðlana auk þess sem uppáhöld umsjónarmannsins, Arnars Eggerts Thoroddsen, fá einnig að hljóma. Í næstu viku verður svo skautað yfir íslenska þungarokksárið. Hversu þungt var eiginlega á rokkinu á síðasta ári? Svarið fæst eingöngu í þungarokksþætti þjóðarinnar, METALL!!

  

 

Painkiller

Kominn tími á smá Metal!

 

Judas Priest fara svo í tónleikaferðalag næsta sumar og ég er ákveðinn að ná að sjá þá einhverstaðar. Það hefur verið draumur minn í mörg ár að sjá þá á sviði.

 

 

Rock og roll

Athyglisverðar plötur í janúar

 

14. Jan 

 British Sea Power-Do You Like Rock Music?

 Elvis Presley-From Jailhouse To Graceland - The Complete 1957 Recordings

 Buddy Holly-Not Fade Away: Buddy Holly 1957 -The Complete Recordings

 Magnetic Fields - Distortion

 Ringo Starr-Liverpool 8

 Steve Ray Vaugham-Solos, Sessions & Encores

 Crosby Stills & Nash-Live In LA

 

21 jan

Eels-Useless Trinkets B-Sides, Soundtracks, Rarities and Unreleased [CD+DVD] 

Eels-Meet The Eels : Essential Eels Vol. 1 1996-2006 [CD+DVD] 

Black Mountain-In the Future: Limited Edition

Cat Power-Jukebox

 

 

 

 

 

 

28. jan

K. D. Lang-Watershed

 Joe Jackson-Rain: +DVD

 Clark, McGuinn & Hillman-The Capitol Collection

Sons & Daughters-This Gift

 Adele-19

 

Kinks

Eru bara frábærir!

 

 

Erlendar plötur ársins

Hér er loks listi yfir erlendu plötur ársins að mínu áliti.

Þegar ég renndi yfir útgáfur ársins fannst mér satt að segja þetta frekar magurt ár. Reyndar mikið af meðalgóðum plötum en fá meistarastykki.

1 Arcade Fire-Neon Bible
2 Machine Head-The Blackening
3 Bruce Springsteen-Magic
4 White Stripes-Icky Thump
5 Soulsavers-It's Not How Far You Fall It's How You Land
6 PJ Harvey-White Chalk
7 Robert Plant & Alison Krauss-Raising Sand
8 Dream Theater-Systematic Chaos
9 Porcupine Tree-Fear Of A Blank Planet
10 Beirut-The Flying Cub Club
11 Scorpions-Humanity Hour 1
12 Queens Of The Stone Age-Era Vulgaris
13 M.I.A.-Kala
14 Rush-Snakes & Arrows
15 Grinderman-Grinderman

Gleðilegt ár...

.....kæru bloggvinir. Takk fyrir æðislega skemmtilegt bloggár og sjáumst hress eftir áramót.

Í kvöld fylgist maður væntanlega með árinu fjúka burt í góðra vina hópi

 

 

 

 

Íslenskar Plötur Ársins

Hér er minn listi með innlendum plötum ársins. Tilnefningarnar voru ekki mjög erfiðar en uppröðunin var erfið því mér fannst margar plötur mjög jafnar að gæðum.

 

 

1	. Mugison-Mugiboogie
2	. Björk-Volta
3	. Gus Gus-Forever
4	. Mínus-The Great Northern Whalekill
5	. I Adapt-Chainlike Burden
6	. Páll Óskar-Allt Fyrir Ástina
7	. Skátar-Ghosts Of The Bollocks To Come
8	. Ólöf Arnalds-Við og Við
9	. Sprengjuhöllin-Tímarnir Okkar
10	. Sigur Rós-Hvarf/Heim
11	. Hörður Torfa-Jarðsaga
12	. Megas-Frágangur
13	. Sign-The Hope
14	. Soundspell-An Ode To The Umbrella
15	. Jan Mayen-So much better than your normal life

 

Jesús Kristur Súpergoð

  Ég skellti mér í Borgarleikhúsið í kvöld og sá Jesus Christ Superstar. Fyrirfram leist mér geysivel á þessa uppfærslu. Krummi í Mínus, Jens úr Brain Police, Lára úr Funerals, Maggi úr Gus Gus (Sem er reyndar leikari líka) ásamt reynsluboltum á borð við Ingvar E. Sigurðsson, Jóhann G. ofl.

 

Það er óhætt að segja að ég varð ekki fyrir vonbrigðum. Ég var mjög ánægður að sjá strax í byrjun að Bjössi trommari og Bjarni gítarleikari Mínus voru í hljómsveitinni sem var alveg brilljant! (Að vísu leist mér ekki á að hljómsveitin var staðsett fyrir framan sviðið í byrjun og þó að ég hafi séð vel á sviðið fann ég til með greyið stráknum á fyrsta bekk sem sá sennilega ekkert nema rassinn á Bjössa trommara, en hljómsveitin seig niðrí gryfju eftir forleikinn) Krummi í hlutverki Jesú var klæddur eins og emmm...Krummi og Jens í hlutverki Júdas var líka í sínum rokkfötum. Lára var í leðurdressi og Ingvar í hlutverki Pílatusar var í jakkafötum! Æðislegt.

 

Þessi sýning var ROKKópera með stóru erri. Útsetningarnar voru flottar rokkstjörnurnar stóðu sig með prýði og Ingvar og Bergur Þór stálu sviðinu þegar þeir voru þar. Sviðið var einfalt og dökkt. Stór kross var helsta sviðsmyndin og sviðsetningin hentaði þungum útsetningum verksins mjög vel.

 

Ég mæli eindregið með þessari sýningu!

 

Loksins frí

Jæja þá er loksins komið smá frí eftir jólatörnina. Þó það hafi verið þriggja daga frí um jólin þá fóru þeir allir í jólaboð sem er náttúrlega æðislegt og ég átti yndisleg jól með mínu fólki :-) En núna er fimm daga frí þar sem maður getur loksins lagst í smá leti og farið að horfa á myndir og hlusta á tónlist og lesa bækur og svoleiðis :-)

Eins ætla ég að leggjast yfir plötur ársins og set saman mína lista um helgina.

Ég er ekki kominn nógu langt frá törninni til að sjá hvaða útgáfur gengu vel og hverjar ekki en það liggur samt beint við þrjár gæðaútgáfur sem virðast hafa selt vel í jólaösinni. Að sjálfsögðu er sala ekki stimpill á gæði, það vitum við öll en það er alltaf gaman þegar gæðaútgáfur seljast vel.

Í fyrsta lagi er það plata Palla Óskars "Allt fyrir ástina". Sú plata hefði getað farið á hvorn veginn sem er. Palli hefur verið lengi í burtu og langt síðan hann gaf út sína síðustu sólóplötu. En Palli kom sá og sigraði og endar sennilega með söluhæðstu plötuna fyrir þessi jól. Hann gerði allt sjálfur. Gaf út og dreifði og sá um allt kynningarstarf. Platan er geysilega vel heppnuð. Alger gæðagripur og ég óska Palla innilega til hamingju með plötuna.

Mugison platan er án efa plata ársins og hún seldist líka vel. Mugison gaf út plötuna sjálfur og Sena dreifði henni. Hann gaf hana út á sínum eigin forsemdum og uppskar sinn sess sem einn af sterkustu listamönnum ársins!

Loks vil ég nefna Sigur Rós sem var með DVD sem heitir Heima og plötu sem heitir Hvarf/Heim. Einnig voru þeir nýbúnir að gefa út bók/DVD/Geisladisk úr heimildamyndinni Hlemmur.
Heima DVD seldist yfir 5000 eintök sem er frábært miðað við að DVD seljast yfirleitt ekki í svona fjölda. Myndin er einstaklega vel heppnuð og dómur Breska tónlistarritsins Q segir allt sem segja þarf "Sigur Rós has reinvented the music film" (5 stjörnur).

Aðrar útgáfur sem ég man eftir sem gengu vel (ég er örugglega að gleyma einverjum) sem mér fannst flokkast undir gæðaútgáfur eru Gus Gus, Sprengjuhöllin, Bloodgroup, Hjaltalín, Megas o.fl.

Ég birti betri lista eftir áramót þegar ég hef tíma til að skoða útkomuna :-)